ଚଣ୍ଡୀଖୋଲ : ପୁରୁଣା ମୁଦ୍ରା ରାକେଟର ପର୍ଦ୍ଦାଫାସ କଲା ଯାଜପୁର ଜିଲ୍ଲା ଧର୍ମଶାଳା ଥାନା ପୋଲିସ । ଏହି ଘଟଣାରେ ସଂପୃକ୍ତ ୨ଜଣଙ୍କୁ ପୋଲିସ ଗିରଫ କରିଛି । ସେମାନଙ୍କ ନିକଟରୁ ପୁରୁଣା ମୁଦ୍ରା, ୨ଟି ମୋବାଇଲ ଓ ନଗଦ ୧୦ହଜାର ଟଙ୍କା ଜବତ କରାଯାଇଛି । ସୂଚନାଥାଉକି, ବାଲିଚନ୍ଦ୍ରପୁର ଥାନା ଅଧିନ ବରପଦା ଅଂଚଳର ଅଜୟ ସାମଲ ଓ ବିଶ୍ଵଜିତ ସାହୁ ପୁରୁଣା ମୁଦ୍ରା କାରବାର କରି ଆସୁଥିଲେ । ଧର୍ମଶାଳା ଥାନା ଅନ୍ତର୍ଗତ ଶ୍ରୀରାମପୁର ଟୋଲ ପ୍ଲାଜା ନିକଟରେ ଗତ ୭ ତାରିଖ ଦିନ ଏକ ଘଟଣାକ୍ରମକୁ ନେଇ ବକ୍ରମତିରଣ ଗ୍ରାମର ଶିବ ଚରଣ ଦାସ ଅଜୟଙ୍କ ନାଁରେ ଅପହରଣ ଓ ଟଙ୍କା ଲୁଟ ନେଇ ଥାନାରେ ଅଭିଯୋଗ କରିଥିଲେ।
ଏହି ଅଭିଯୋଗର ତଦନ୍ତ କରି ପୋଲିସ ପୁରୁଣା ମୁଦ୍ରା କାରବାରରେ ଏହି ଦୁଇ ଜଣ ସମ୍ପୃକ୍ତ ଥିବା ଜାଣିବାକୁ ପାଇଥିବା ବେଳେ ସେମାନଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି। ଏ ନେଇ ଧର୍ମଶାଳା ପୋଲିସ ଘଟଣା ର ଅଧିକ ତଦନ୍ତ ଚଳାଇଛି.।
ପୁରୁଣା ମୁଦ୍ରା ରାକେଟର ପର୍ଦ୍ଦାଫାସ, ଧର୍ମଶାଳା ଥାନା ପୋଲିସ ହାତରେ ଧରାପଡିଲେ ଦୁଇ ଅଭିଯୁକ୍ତ
