କଟକରୋଡ: ଶ୍ୱଶୁରଙ୍କ ତଣ୍ଟି ଚିପି ହତ୍ୟା ଉଦ୍ୟମ ଅଭିଯୋଗରେ ଏୟାରଫିଲ୍ଡ ଥାନା ସୁନ୍ଦରପଦା ଆରାଧନା ନଗରରେ ରହୁଥିବା ଅଭିଯୁକ୍ତ ଜ୍ୱାଇଁ ରାଜେଶ ମିଶ୍ରକୁ ପୁଲିସ ଗିରଫ କରିଛି ।
ପୁଲିସ ସୂଚନା ଅନୁଯାୟୀ, ଅଭିଯୁକ୍ତଙ୍କ ଶ୍ୱଶୁର ଚିନ୍ତାମଣିଶ୍ୱର ଚୌଧୁରୀ କଲୋନୀରେ ରୁହନ୍ତି । ଗତ କିଛିଦିନ ଧରି ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ କଳହ ନେଇ ସ୍ତ୍ରୀ ବାପଘରକୁ ପଳାଇ ଆସିଥିଲେ । ଗତ ୧୧ ତାରିଖରେ ଜ୍ୱାଇଁ ରାଜେଶ ସ୍ତ୍ରୀଙ୍କୁ ଦେଖା କରିବା ପାଇଁ ସେଠାକୁ ଆସିଥିବା ବେଳେ ଶ୍ୱଶୁର ଜୟନାରାୟଣ ଏଥିରେ ଅସମ୍ମତି ପ୍ରକାଶ କରିଥିଲେ । ଫଳରେ ଜ୍ୱାଇଁ ରାଜେଶ ଉତ୍କ୍ଷିପ୍ତ ହୋଇ ଏକ ଦର୍ପଣରେ ଜୟନାରାୟଣଙ୍କ ମୁଣ୍ଡକୁ ବାରମ୍ବାର ଆଘାତ ଦେବା ସହ ତାଙ୍କ ତଣ୍ଟିକୁ ଚିପି ଦେଇଥିଲେ । ଏ ନେଇ ଜୟନାରାୟଣଙ୍କ ଅଭିଯୋଗ କ୍ରମେ ପୁଲିସ ଏକ ମାମଲା ରୁଜୁ କରିଛି।
