ଅଧା ରହିଗଲା ଦୁଇ ଭାଇଙ୍କ ଯଜ୍ଞ ଦେଖା, ଦୁର୍ଘଟଣାରେ ଚାଲିଗଲା ଜଣଙ୍କ ଜୀବନ

ସୋର : ୧୬ ନଂ ଜାତୀୟ ରାଜପଥ ବାଗୁନିଆ ଛକ ନିକଟରେ ବୁଲେଟ ଓ ହାଇୱା ଧକାରେ ଜଣେ ମୃତ ଜଣେ ଗୁରୁତର । ବୁଲେଟରେ ଦୁଇ ଭାଇ ବସି ବାହାନଗା ହାଇସ୍କୁଲ ପଡିଆକୁ ଯଜ୍ଞ ଦେଖିବାକୁ ଆସୁଥିବା ବେଳେ ବିପରୀତ ଦିଗରୁ ଆସୁଥିବା ହାଇୱା ଧକ୍କା ଦେଇଥିଲା । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଅବସ୍ଥାରେ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ସେପଟେ ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ଲାଗିରହିବା ସହ ରାସ୍ତା ରୋକ କରିଥିଲେ । ସେହି ବାଟ ଦେଇ ଜିଲ୍ଲାପାଳ ସିମୁଳିଆକୁ ଗ୍ରୀଭାନ୍ସରେ ଯୋଗ ଦେବାକୁ ଯାଉଥିବା ବେଳେ ସ୍ଥାନୀୟ ଲୋକ ତାଙ୍କୁ ଅଟକାଇ ଥିଲେ । ଜିଲ୍ଲାପାଳ ଉତ୍ୟକ୍ତ ଲୋକଙ୍କୁ ବୁଝା ସୁଝା କରି ଖନ୍ତାପଡ଼ା ପୋଲିସକୁ ଖବର ଦେଇଥିଲେ । ଖନ୍ତାପଡ଼ା ପୋଲିସ ଘଟଣାସ୍ଥଳରେ ପହଁଞ୍ଚି ମୃତଦେହ ଜବତ କରି ବାଲେଶ୍ୱର ମୁଖ୍ୟ ଚିକିତ୍ସାଳୟ କୁ ପଠାଇବା ସହ ହାଇୱାକୁ ଜବତ କରି ଡ୍ରାଇଭରକୁ ଅଟକ ରଖିଛନ୍ତି ।