କଳାହାଣ୍ଡି : କଳାହାଣ୍ଡି-କନ୍ଧମାଳ ସୀମାରେ ପୋଲିସ ମାଓବାଦୀଙ୍କ ଗୁଳି ବିନିମୟ ହୋଇଛି । ଲୁବେନଗଡ ଜଙ୍ଗଲରେ ସର୍ଚ୍ଚ ଅପରେସନ ବେଳେ ମୁହାଁମୁହିଁ ହୋଇଛନ୍ତି ପୋଲିସ ଏବଂ ମାଓବାଦୀ ।ତେବେ ମୃତାହତ ନେଇ କୌଣସି ସୂଚନା ମଳିନାହିଁ ।
କଳାହାଣ୍ଡି ଜିଲ୍ଲାରେ ମାଓବାଦୀ ପୁଣି ସକ୍ରିୟ ହୋଇଥିବା ଜଣାପଡିିଛି । ଗତବର୍ଷ ମଧ୍ୟ ସେହି ଜଙ୍ଗଲରେ ମାଓବାଦୀ ଓ ପୋଲିସଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ସେଥିରେ କିଛି ମାଓବାଦୀ ମୃତ୍ୟୁବରଣ କରିଥିଲେ । ବର୍ତ୍ତମାନ ସେହି ଅଞ୍ଚଳରେ ଏହି ସର୍ଚ୍ଚ ଅପରେସନ ଜାରି ରହିଥିଲା ବେଳେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏହାପରେ ମାଓବାଦୀ ମାନେ ଜଙ୍ଗଲ ଭିତରକୁ ଛତ୍ରଭଙ୍ଗ ଦେଇ ପଳେଇ ଯାଇଥିବ ସୂଚନା ମିଳିଛି ।
ସେଠାକାର ଏସପି ମଧ୍ୟ ସ୍ପଷ୍ଟ କରିପାରି ନାହାନ୍ତି କି ସେଠାରେ କେହି ମୃତାହାତ ହୋଇଛନ୍ତି କି ନାହିଁ । ତେବେ ସେଠାରେ ମାଓବାଦୀ ସଂଗଠନ କେକେବିଏମ ସକ୍ରିୟ ଥିବା ଜଣାପଡୁଛି ।
