ନୂଆଦିଲ୍ଲୀ : ସାଉଥ୍ ସିନେମା ଷ୍ଟାର୍ ଶିବକାର୍ତ୍ତିକେୟନ ଏବଂ ତାଙ୍କ ପତ୍ନୀ ଆରତୀ ପୁଅ ଭାବେ ସେମାନଙ୍କର ତୃତୀୟ ସନ୍ତାନକୁ ସ୍ୱାଗତ କରିଛନ୍ତି। ଅଭିନେତା ନିଜେ ଏହି ଖୁସି ଖବରକୁ ସୋସିଆଲ୍ ମିଡିଆ ଏକ୍ସରେ ପ୍ରଶଂସକଙ୍କ ସହ ଶେୟାର କରିଛନ୍ତି। ସେ ହ୍ୟାସ୍ଟ୍ୟାଗ୍ ଦେଇ ଲେଖିଛନ୍ତି, ‘ଏକ ସନ୍ତାନ ପାଇଁ ଧନ୍ୟ’। ଶିବକାର୍ତ୍ତିକେୟନ ତାଙ୍କ ପୋଷ୍ଟରେ ଲେଖିଛନ୍ତି, “ସମସ୍ତ ପ୍ରିୟଜନ, ଜୁନ୍ ୨ରେ ଜନ୍ମ ହୋଇଥିବା ଆମ ସନ୍ତାନଙ୍କୁ ସ୍ୱାଗତ କରି ଆମେ ଖୁସିରେ ନାଚୁଛୁ। ଆମ ପରିବାର ଟିକିଏ ଆଗକୁ ବଢିଛି ଏବଂ ଆମେ ସମସ୍ତେ ବହୁତ ଖୁସି। ସବୁଥର ପରି, ଆମର ଆପଣ ସମସ୍ତଙ୍କ ପ୍ରେମ, ସମର୍ଥନ ଏବଂ ଆଶୀର୍ବାଦ ଆବଶ୍ୟକ। ସେହିପରି ବଲିଉଡର ଅଭିନେତା ବରୁଣ ଧାୱନ ଏବଂ ତାଙ୍କ ପତ୍ନୀ ନତାଶା ଦଲାଲଙ୍କ ଘରେ ଖୁସିଆସୁଛି। ତାଙ୍କ ବାହାଘରର ୩ ବର୍ଷ ପରେ ଉଭୟ ପ୍ରଥମ ଥର ପାଇଁ ଗୋଟିଏ ଝିଅର ବାପାମାଆ ହୋଇଛନ୍ତି। ସାରା ଦେଶର ଫ୍ୟାନ୍ସ ମାନେ ଏହି ଯୋଡିଙ୍କୁ ଶୁଭେଚ୍ଛା ଜଣାଉଛନ୍ତି ଏବଂ ଘରେ ଲକ୍ଷ୍ମୀଙ୍କୁ ସ୍ୱାଗତ ପରେ ଅଭିନେତାଙ୍କ ଖୁସି କହିଲେ ନ ସରେ।
