ଗୋଷ୍ଠି ସଂଘର୍ଷ ପରେ ୧୪୪ ଧାରା ଜାରି

ବାଲେଶ୍ୱର : ଶୂନହଟରେ ଗୋଷ୍ଠୀ ସଂଘର୍ଷ । ଗୋଷ୍ଠି ସଂଘର୍ଷ ପରେ ୧୪୪ ଧାରା ଜାରି । ବାଲେଶ୍ୱର ଶୂନହଟ-ପତ୍ରପଡା ରାସ୍ତାରେ ୧୪୪ ଧାରା ଜାରି ।ଗୋଷ୍ଠୀ ସଂଘର୍ଷ ପରେ ଜାରି ହୋଇଛି ୧୪୪ ଧାରା । ସୂଚନା ଯୋଗ୍ୟ ଯେ, ଆଜି ମଧ୍ୟାହ୍ନରେ ବାଲେଶ୍ୱର ଟାଉନ୍‌ରେ ଦୁଇ ଗୋଷ୍ଠୀ ମୁହାଁମୁହିଁ ହୋଇଥିଲେ । ପୁଲିସ୍‌ ଉପସ୍ଥିତିରେ ଦୁଇ ଗୋଷ୍ଠୀ ମୁହାଁମୁହିଁ ହୋଇଥିଲେ । ପରସ୍ପରକୁ ଢେଲା ପଥର ମାଡ଼ ମଧ୍ୟ କରିଥିଲେ। ଢେଲା ପଥର ମାଡ଼ରେ ସାଧାରଣ ଜନତା, ପୁଲିସ୍‌ ଓ କିଛି ଗଣମାଧ୍ୟମ ପ୍ରତିନିଧି ଆହତ ହୋଇଥିବା ଜଣାପଡ଼ିଥିଲା । ଏଥିରେ ୪ରୁ ୫ ଜଣ ଆହତ ହୋଇଥିଲେ । ସୁରକ୍ଷା ଦୃଷ୍ଟିର ବ୍ୟାପକ ପୁଲିସ୍‌ ଫୋର୍ସ ମୁତୟନ କରାଯାଇଥିଲା । ଟାଉନ ଥାନା ଅଞ୍ଚଳର ଭୁଜାଖିଆ ପିର-ଚାନ୍ଦିପୁର ରାସ୍ତା ପାର୍ଶ୍ୱରେ ରକ୍ତ ଭଳିଆ ଦେଖାଯାଉଥିବା ନାଲି ରଙ୍ଗର ପାଣି ପ୍ରବାହିତ ହେଉଥିବା ଆଜି ସକାଳେ ଦେଖିବାକୁ ମିଳିଥିଲା। ଏହାକୁ ରକ୍ତ ବୋଲି ସନ୍ଦେହ କରି ଗୋଟିଏ ଗୋଷ୍ଠୀ ପାତ୍ରପଡ଼ା ଛକରେ ପ୍ରତିବାଦ କରିଥିଲା। ଯେଉଁଥିପାଇଁ ଯାତାୟତ ଠପ୍‌ ହୋଇଥିଲା। ଖବର ପାଇଁ ଏସ୍‌ଡିସିଓ ଓ ଟାଉନ୍‌ ଥାନା ଅଧିକାରୀ ଫୋର୍ସ ଧରି ପହଞ୍ଚିଥିଲେ। ବୁଝାସୁଝା କରିବା ପରେ ଉତ୍ତେଜନା ଶାନ୍ତ ପଡିଥିଲା । ପୁଲିସ୍‌ ଦୁଇ ଗୋଷ୍ଠୀର ମୁରବୀମାନଙ୍କୁ ଡାକି ଆଲୋଚନା ମଧ୍ୟ କରିଥିଲେ ।