ବ୍ୟୁରୋ: ସାଉଥ ଇଣ୍ଡଷ୍ଟ୍ରୀ ପାଇଁ ଦୁଃଖଦ ଖବର । ତେଲୁଗୁ ଫିଲ୍ମ ଇଣ୍ଡଷ୍ଟ୍ରୀର ଯୁବ କଳାକାର ସୁଧୀର ବର୍ମା ଆତ୍ମହତ୍ୟା କରିଛନ୍ତି । ସୋମବାର ରାତିରେ ଷ୍ଟାର ଜଣକ ଆତ୍ମହତ୍ୟା କରିଛନ୍ତି । ମୃତ୍ୟୁ ବେଳକୁ ୩୩ ବର୍ଷ ହୋଇଥିଲା । ସୁଧୀରଙ୍କ ସାଙ୍ଗ ଏବଂ କୋ ଷ୍ଟାର ସୁଧାକର କୋମକୁଲ ଟ୍ୱିଟ୍ ଜରିଆରେ ସୂଚନା ଦେଇଛନ୍ତି । ସୁଧୀରଙ୍କ ମୃତ୍ୟୁ ବିଷୟରେ ଜାଣି ସାଉଥ ଇଣ୍ଡଷ୍ଟ୍ରୀକୁ ଝଟକା ଲାଗିଛି । ସାଉଥ ଇଣ୍ଡଷ୍ଟ୍ରୀ ତାଙ୍କୁ ଶ୍ରଦ୍ଧାଞ୍ଜଳି ଜଣାଇଛି । ପୋଲିସ କହିବା ମୁତାବକ, ୧୦ ଜାନୁଆରୀରେ ସୁଧୀର ବାରଙ୍ଗଲରେ କୌଣସି ପ୍ରକାରର ବିଷାକ୍ତ ପଦାର୍ଥ ଖାଇଥିଲେ । ପରେ ତାଙ୍କ ସ୍ୱାସ୍ଥ୍ୟ ଖରାପ ହୋଇଥିଲା। ତା’ ପରେ ସେ ତାଙ୍କ ବନ୍ଧୁଙ୍କ ଘରେ ରହିବାକୁ ହାଇଦ୍ରାବାଦ ଚାଲିଯାଇଥିଲେ । ଗତକାଲି ରାତିରେ ବିଶାଖାପାଟନମ ଘରେ ଆତ୍ମହତ୍ୟା କରିଛନ୍ତି ସୁଧୀର ।ସୁଧୀରଙ୍କ ସାଙ୍ଗଙ୍କ ସୁଧାକର କୋମାକୁଲା ଟ୍ୱିଟ କରି ତାଙ୍କର ଏକ ଫଟୋ ସେୟାର କରି ଦୁଃଖ ପ୍ରକାଶ କରିଛନ୍ତି । ସେ ଲେଖିଛନ୍ତି, ସୁଧୀର ! ବହୁତ ଭଲ ପାଇବା… ଆପଣଙ୍କ ସହିତ କାମ କରି ବହୁତ ଭଲ ଲାଗିଲା । ବିଶ୍ୱାସ ହେଉନାହିଁ ଆପଣ ଆଉ ଦୁନିଆରେ ନାହାନ୍ତି । ଓମ୍ ଶାନ୍ତି… । ସୁଧୀର ବର୍ମା ଫିଲ୍ମ କଣ୍ଡୁନାପୁ ବୋମାରେ କାମ କରିଛନ୍ତି । ଏହାଛଡା ୱେବ ସିରିଜ ‘ସୁଟ୍ ଆଉଟ୍ ଇନ ଅଲେର’ରେ ମଧ୍ୟ କାମ କରିଛନ୍ତି ।