ଲିଫ୍ଟରେ ଫସି ଶିକ୍ଷୟିତ୍ରୀଙ୍କ ମୃତ୍ୟୁ

ମୁମ୍ବାଇ: ମୁମ୍ବାଇର ମଲାଡ ଅଞ୍ଚଳରେ ଥିବା ଏକ ସ୍କୁଲ୍‌ର ଜଣେ ୨୬ ବର୍ଷୀୟା ଶିକ୍ଷୟିତ୍ରୀଙ୍କର ଲିଫ୍ଟରେ ଫସି ମୃତ୍ୟୁ ହୋଇଛି । ଗୁରୁତର ଭାବେ ଆହତ ଜେନେଲ୍ ଫର୍ଣ୍ଣାଣ୍ଡିସ୍‌ଙ୍କୁ ସ୍ଥାନୀୟ ଏକ ଘରୋଇ ହସ୍ପିଟାଲ୍‌ରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା । ଏହି ଘଟଣା ଶୁକ୍ରବାର ମଲାଡ୍ ୱେଷ୍ଟ୍‌ରେ ଚିଞ୍ଚୋଲି ଗେଟ୍ ନିକଟରେ ଥିବା ସେଣ୍ଟ୍ ମେରୀ ଇଂଲିଶ୍ ହାଇ ସ୍କୁଲ୍‌ରେ ଘଟିଛି । ସ୍କୁଲର ଛଅ ମହମଲାରୁ ଶିକ୍ଷୟିତ୍ରୀ ଜଣକ ଦୁଇ ମହଲାକୁ ଆସିବା ପାଇଁ ଲିଫ୍ଟ ପ୍ରବେଶ କରିବାବେଳେ ଡୋର୍‌ରେ ଚାପି ହୋଇଯାଇଥିଲେ ଏବଂ ଲିଫ୍ଟ ଚାଲିବାକୁ ଲାଗିଥିଲା । ସ୍କୁଲ୍ ଷ୍ଟାଫ୍ ତାଙ୍କୁ ଗୁରୁତର ଅବସ୍ଥାରେ ଭିଡ଼ି ବାହାର କରିଥିଲେ ବୋଲି ଡିସିପି ବିଶାଳ ଠାକୁର କହିଛନ୍ତି । ଶିକ୍ଷୟିତ୍ରୀ ଜଣକ ଚଳିତବର୍ଷ ଜୁନ୍‌ରେ ସ୍କୁଲ୍‌ରେ ଯୋଗଦେଇଥିଲେ । ପୁଲିସ୍ ଦୁର୍ଘଟଣାଜନିତ ମୃତ୍ୟୁ ମାମଲା ରୁଜୁକରି ଘଟଣାର ପରବର୍ତ୍ତୀ ତଦନ୍ତ ଚଳାଇଛି ।