ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲା: ୬ ଜଣଙ୍କୁ ସିବିଆଇ ଜେରା, ରିୟାଙ୍କୁ ହୋଇପାରେ ସମନ

ମୁମ୍ବାଇ: ବଲିଉଡ ଆକ୍ଟର ସୁଶାନ୍ତ ସିଂହ ରାଜପୁତ ମାମଲାରେ ସିବିଆଇ ଯାଂଚ ପ୍ରକ୍ରିୟାକୁ ଆଜିର ଦିନରେ ପାଂଚ ଦିନ ହୋଇଗଲା । ଏହି ମାମଲାରେ ସିବିଆଇ ଦୃତ ଗତିରେ ଯାଂଚ ପ୍ରକ୍ରିୟା ଜାରି ରିଖିଛି । ସିବିଆଇ ଟିମ ଲଗାତର ଭାବେ ଏହି ମାମଲା ସହ ସଂପୃକ୍ତି ଲୋକଙ୍କୁ ମଧ୍ୟ ଜେରା କରୁଛି । ସୁଶାନ୍ତଙ୍କ ଚାଟାର୍ଡ ଆକାଉଣ୍ଟାଣ୍ଟ ସନ୍ଦିପ ଶ୍ରୀଧର, ସୁଶାନ୍ତଙ୍କ ବନ୍ଧୁ ସିଦ୍ଧାର୍ଥ ପିଠାନୀ, ରୋଷେୟା ନରୀଜ, ରଜତ ସେବାତୀ ଓ କେଶବଙ୍କ ସମେତ ଆଉ ୬ ଜଣ ବ୍ୟକ୍ତିଙ୍କୁ ସିବିଆଇ ଡିଆରଡିଓ ଗେଷ୍ଟ ହାଉସରେ ପଚରାଉଡୁରା ଜାରି କରିଛି । ଉକ୍ତ ଗେଷ୍ଟ ହାଉସରେ ସିବିଆଇ ଟିମ ରହି କାମ ଜାରି ରଖିଛନ୍ତି । ଏଥିରୁ ଜଣାପଡୁଛି ଯେ, ଖୁବ ଶୀଘ୍ର ସିବିଆଇ ରିୟା ଚକ୍ରବର୍ତ୍ତୀଙ୍କୁ ମଧ୍ୟ ଜେରା ପାଇଁ ଡାକିପାରେ ।