ଜୋହର୍(ମାଲେସିଆ): ଶନିବାରଠାରୁ ଏଠାରେ ସୁଲତାନ୍ ଅଫ୍ ଜୋହର୍ କପ୍ ହକି ଟୁର୍ଣ୍ଣାମେଣ୍ଟ୍ ଆରମ୍ଭ ହୋଇଥିବା ବେଳେ ଏଥିରେ ଭାରତ ବିଜୟ ସହ ଅଭିଯାନ ଆରମ୍ଭ କରିଛି । ଦଳ ଆୟୋଜକ ମାଲେସିଆକୁ ୫-୨ରେ ପରାସ୍ତ କରିଛି । ଭାରତ ପକ୍ଷରୁ ଷଷ୍ଠ ମିନିଟ୍ରେ ଅମନ୍ଦୀପ, ଦଶମ ମିନିଟ୍ରେ ଅରଇଜିତ୍ ସିଂହ ହୁଣ୍ଡାଲ୍, ବିଂଶତମ ମିନିଟ୍ରେ ବବି ସିଂହ ଧମି, ୨୬ତମ ମିନିଟ୍ରେ ଓଡ଼ିଆ ଖେଳାଳି ସୁଦୀପ ଚିରମାକୋ ଓ ୫୬ତମ ମିନିଟ୍ରେ ଶାରଦା ନନ୍ଦ ତିୱାରୀ ଗୋଲ୍ ଦେଇଥିଲେ ।
ପ୍ରତିପକ୍ଷ ମାଲେସିଆ ପାଇଁ ତ୍ରୟୋଦଶ ମିନିଟ୍ରେ ଶମି ଇର୍ଫାନ୍ ସୁହେମି ଓ ୫୨ତମ ମିନିଟ୍ରେ ମହମ୍ମଦ ମମତ୍ ଗୋଲ୍ ସ୍କୋର୍ କରିଥିଲେ । ଭାରତ ତା’ର ଦ୍ୱିତୀୟ ମ୍ୟାଚ୍ରେ ରବିବାର ସାଉଥ୍ ଆଫ୍ରିକାକୁ ଭେଟିବ ।
