ଫୁଲ ତୋଳୁଥିବା ବେଳେ ବେକରୁ ସୁନା ଚେନ୍ ଝାମ୍ପିନେଲେ ଲୁଟେରା

ଭୁବନେଶ୍ୱର : ରାଜଧାନୀରେ ମର୍ଣ୍ଣିଂ ଲୁଟେରାଙ୍କ ଆତଙ୍କରାଜ । ନିଳାଦ୍ରୀ ବିହାର ଅଞ୍ଚଳରେ ଫୁଲ ତୋଳୁଥିବା ବେଳେ ମହିଳାଙ୍କ ବେକରୁ ଝାମ୍ପି ନେଲେ ସୁନା ଚେନ୍ । ବାଇକରେ ଆସିଥିଲେ ତିନି ଜଣ ଦୁର୍ବୃତ୍ତ । ମହିଳାଙ୍କୁ ଆକ୍ରମଣ କରି ତାଙ୍କଠାରୁ ସୁନା ଚେନ୍ ଲୁଟିଥିଲେ । ଏମିତିବେଳେ ମହିଳାଙ୍କ ସ୍ୱାମୀ ବିରୋଧ କରିଥିଲେ । ତାଙ୍କୁ ମଧ୍ୟ ଆକ୍ରମଣ କରିଥିଲେ ଲୁଟେରା । ଏହାପରେ ଘଟଣାସ୍ଥଳରୁ ଚମ୍ପଟ ମାରିଥିଲେ । ଉଭୟ ସ୍ୱାମୀ-ସ୍ତ୍ରୀଙ୍କୁ ମେଡିକାଲରେ ଭର୍ତ୍ତି କରାଯାଇଛି । ସେମାନଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଅଛି । ସକାଳୁ ସକାଳୁ ମର୍ଣ୍ଣିଂ ଓ୍ୱାକରେ ଯାଉଥିବା କିମ୍ବା ଫୁଲ ତୋଳୁଥିବା ମହିଳାଙ୍କୁ ଏବେ ଟାର୍ଗେଟ କରୁଛନ୍ତି ଲୁଟେରା । ରାଜଧାନୀ ଏବେ ଅପରାଧୀଙ୍କ ଆଡ୍ଡା ପାଲଟିଥିବା କହିଲେ ଅତ୍ୟୁକ୍ତି ହେବ ନାହିଁ । ବାରମ୍ବାର ଭୁବନେଶ୍ୱରରେ ଏମିତି ଘଟଣା ସାମ୍ନାକୁ ଆସୁଛି । ହେଲେ ତଥାପି ପୋଲିସ ଅପରାଧୀଙ୍କୁ ଧରିବାରେ କୋଉଠି ନା କୋଉଠି ବିଫଳ ହୋଇଛି । ପୋଲିସ ର ନିଷ୍କ୍ରିୟତା ନେଇ ଅପରାଧୀମାନେ ସକ୍ରିୟ ହୋଇ ଉଠୁଛନ୍ତି । ଲୁଟ ବେଳେ ଅପରାଧୀମାନେ ମରଣାନ୍ତକ ଆକ୍ରମଣ କରିବାକୁ ମଧ୍ୟ ପଛାଉ ନାହାଁନ୍ତି ।