ନୂଆଦିଲ୍ଲୀ : ଆଗକୁ ଆସୁଛି ବିଧାନସଭା ନିର୍ବାଚନ । ବିଧାନସଭା ନିର୍ବାଚନକୁ ନେଇ ଏବେ ୟୁପି ରାଜନୀତି ସରଗରମ । ନିଜ ନିଜର ଦଳ ମଜଭୁତ କରିବା ପାଇଁ ସମସ୍ତ ଦଳ ଅଣ୍ଟା ଭିଡ଼ିଲଣି । ଆଉ ଏହାରି ଭିତରେ କେନ୍ଦ୍ରୀୟ ମନ୍ତ୍ରୀ ସ୍ମୃତି ଇରାନୀ ରବିବାର କଂଗ୍ରେସ ଓ ସମାଜବାଦୀ ପାର୍ଟି ଉପରେ ବର୍ଷିଛନ୍ତି । ବିଶେଷକରି କଂଗ୍ରେସ ଦେଉଥିବା ନାରା ‘ଲଡକି ହୁଁ ଲଢ୍ ସକତି’କୁ ସେ ଟାର୍ଗେଟ କରିଛନ୍ତି । ଆଗ୍ରାରେ ଏକ ନିର୍ବାଚନୀ ରାଲିକୁ ସମ୍ବୋଧିତ କରି ସ୍ମୃତି ଇରାନୀ ଲଡକୀ ହୁଁ ଲଢ୍ ସକତି ନାରା ସହ କଂଗ୍ରେସ ଓ ରାହୁଲ ଗାନ୍ଧୀଙ୍କ ଉପରେ ବର୍ଷିଛନ୍ତି ।
ସମାଜବାଦୀ ପାର୍ଟି ଉପରେ ବର୍ଷି କେନ୍ଦ୍ରୀମନ୍ତ୍ରୀ ସ୍ମୃତି ଇରାନୀ କହିଛନ୍ତି, ସପା ପ୍ରତିଶୋଧର ରାଜନୀତି କରୁଛି, ହେଲେ ବିଜେପି ବିକାଶର ରାଜନୀତି କରୁଛି । ସମାଜବାଦୀ ପାର୍ଟିର ପ୍ରାର୍ଥୀମାନେ ଏବେଠୁ ବଦଲା ନେବାକୁ କହିଲେଣି । ସେମାନେ ଲୋକଙ୍କୁ ରୀତିମତ ଡରାଇବାରେ ଲାଗିଛନ୍ତି ବୋଲି ସ୍ମୃତି ଇରାନୀ କହିଛନ୍ତି । ଯାହାକି ୟୁପି ରାଜନୀତିକୁ ଆହୁରି ସରଗରମ କରିଛି ।
