ଭୁବନେଶ୍ୱର: ଆରମ୍ଭ ହୋଇଛି ଏକକ ପିଜି ପ୍ରବେଶିକା ପରୀକ୍ଷା । ପରୀକ୍ଷା ଦେବାକୁ ସାରା ରାଜ୍ୟରୁ ଉତ୍କଳ ବିଶ୍ୱବିଦ୍ୟାଳୟକୁ ଛୁଟି ଆସୁଛନ୍ତି ସାରା ରାଜ୍ୟର ଛାତ୍ରଛାତ୍ରୀ । ୪୦୦ ଏକର ବିଶିଷ୍ଟ ବିଶ୍ୱବିଦ୍ୟାଳୟ ପରିସରରେ ୫୦ରୁ ଊର୍ଦ୍ଧ୍ୱ ବିଭାଗ ଥିବା ବେଳେ ନିଜ ସେଣ୍ଟର ଖୋଜି ପରୀକ୍ଷା ଦେବାକୁ ଯିବା ପାଇଁ ପରୀକ୍ଷାର୍ଥୀଙ୍କ ପାଇଁ ଅତି କଷ୍ଟକର ହୋଇଯାଏ । ଏ ସବୁ ସମସ୍ୟାକୁ ଦୃଷ୍ଟିରେ ରଖି ଆଜି ଉତ୍କଳ ବିଶ୍ୱବିଦ୍ୟାଳୟ ପରିସରରେ ବିଜୁ ଛାତ୍ର ଜନତା ଦଳ ତରଫରୁ ଏକ ହେଲ୍ପ ଡେସ୍କର ଶୁଭାରମ୍ଭ କରାଯାଇଛି । ବିଜୁ ଛାତ୍ର ଜନତା ଦଳର କର୍ମକର୍ତ୍ତା ବିଶ୍ୱବିଦ୍ୟାଳୟ ପରିସରରେ ରହି ପରୀକ୍ଷା ଦେବାକୁ ଆସୁଥିବା ସମସ୍ତ ପରୀକ୍ଷାର୍ଥୀ ମାନଙ୍କୁ ସାହାଯ୍ୟ ସହଯୋଗ କରିବା ସହ ବିଶ୍ୱବିଦ୍ୟାଳୟରେ ଛାତ୍ରଛାତ୍ରୀ ମାନେ କିଭଳି ସୁରୁଖୁରୁରେ ପରୀକ୍ଷା ଦେବେ ସେନେଇ ଆଗେଇ ଆସିଛନ୍ତି ।
ଆହୁରି ମଧ୍ୟ ଶାରୀରିକ ଅକ୍ଷମତା ପରୀକ୍ଷାର୍ଥୀଙ୍କୁ ସେଣ୍ଟରରେ ନେଇ ଛାଡି ଦେବା ଠାରୁ ଆରମ୍ଭ କରି ଆଡମିଟ କାର୍ଡ ଡାଉନଲୋଡ କରିଦେବା ପର୍ଯ୍ୟନ୍ତ ସବୁ କାମରେ ସାହାଯ୍ୟର ହାତ ବଢ଼ାଇଛନ୍ତି । ବିଜୁ ଛାତ୍ର ଜନତା ଦଳର ରାଜ୍ୟ ଉପସଭାପତି ଅରୂପ ଶ୍ରୀଚନ୍ଦନ, ରାଜ୍ୟ ସମ୍ପାଦକ ରଶ୍ମିରଞ୍ଜନ ପରିଡ଼ା, ରାଜ୍ୟ ସାଧାରଣ ସମ୍ପାଦିକା ସିମ୍ରନ ସିଂ ରାଜପୁତ ଏହାର ନେତୃତ୍ୱ ନେଉଥିବା ବେଳେ ବରିଷ୍ଠ ଛାତ୍ର ନେତା ସନ୍ତୋଷ କୁମାର ମାଝୀ, ଛାତ୍ରନେତା ସଚ୍ଚିକାନ୍ତ ସାହୁ , ରୁଦ୍ରନାରାୟଣ ପଟ୍ଟନାୟକ, ହିତେଶ କୁମାର ମଲ୍ଲିକ ଓ ଓଁକାର ନନ୍ଦଙ୍କ ସମେତ ଶତାଧିକ ସଂଖ୍ୟାରେ ବିଜୁ ଛାତ୍ର ଜନତା ଦଳର କର୍ମକର୍ତ୍ତା ଯୋଗଦେଇ ପରୀକ୍ଷାର୍ଥୀ ମାନଙ୍କୁ ସାହାଯ୍ୟ ସହଯୋଗ କରୁଛନ୍ତି ।
