ସଲମାନ ଖାନଙ୍କ ଘର ବାହାରେ ଗୁଳି ଚାଳନା ମାମଲା ; ଗିରଫ ହେଲା ଷଷ୍ଠ ଗିରଫ

ମୁମ୍ବଇ : ଅଭିନେତା ସଲମାନ ଖାନଙ୍କ ବାସଭବନ ବାହାରେ ଗୁଳି ଚାଳନା ମାମଲାରେ ଆଉ ଜଣେ ସଦସ୍ୟକୁ ଗିରଫ କରିଛି ମୁମ୍ବଇ ପୁଲିସ। ଗିରଫ ଅଭିଯୁକ୍ତ ଜଣକ ହରିୟାଣାର ଫତେହାବାଦ ନିବାସୀ ହରପାଲ ସିଂହ ବୋଲି ଜଣାପଡ଼ିଛି। ସୋମବାର ସନ୍ଧ୍ୟାରେ ତାକୁ ପୁଲିସ ଗିରଫ କରିଛି। ହରପାଲକୁ ମଙ୍ଗଳବାର ସକାଳେ ମୁମ୍ବଇ ଅଣାଯାଇଛି ଏବଂ ଦିନକ ପରେ କୋର୍ଟରେ ହାଜର କରାଯିବ ବୋଲି ସୂଚନା ରହିଛି। ଗୁଳି ଚାଳନା ମାମଲାରେ ଷଷ୍ଠ ଅଭିଯୁକ୍ତ ଭାବେ ଗିରଫ ହୋଇଛି ହରପାଲ।