ରାଉରକେଲା : ସ୍ମାର୍ଟ ସିଟି ରାଉରକେଲାରେ ଥିବା ବିଭିନ୍ନ ଘରୋଇ ଶିକ୍ଷାନୁଷ୍ଠାନରେ ଅନଲାଇନ ଶିକ୍ଷାଦାନ ଚଳିତ ସପ୍ତାହରୁ ଆରମ୍ଭ ହୋଇଛି । ଏହି କ୍ରମରେ ଦକ୍ଷିଣ ରାଉରକେଲା ଅନ୍ତର୍ଗତ ସାରନଗରୀ ସ୍ଥିତ ଘରୋଇ ଶିକ୍ଷାନୁଷ୍ଠାନ ବିଦ୍ୟା ଷ୍ଟଡ଼ି ପଏଂଟ ପକ୍ଷରୁ ଯୁକ୍ତ ଦୁଇ ପ୍ରଥମ ବର୍ଷର ବିଜ୍ଞାନ, ବାଣିଜ୍ୟ ଓ କଳାର ଛାତ୍ରଛାତ୍ରୀଙ୍କ ପାଇଁ ଅନଲାଇନ ମାଧ୍ୟମରେ ଶିକ୍ଷାଦାନ କରାଯାଉଛି ବୋଲି ଅନୁଷ୍ଠାନର ନିର୍ଦ୍ଦେଶକ ସରୋଜ କୁମାର ବେହେରା ଏକ ପ୍ରେସବିବୃତିରେ ଜଣାଇଛନ୍ତି । ଏହି ଶିକ୍ଷାଦାନ ପ୍ରତି ଆଗ୍ରହୀ ଥିବା ଛାତ୍ରଛାତ୍ରୀ ତଥା ଅଭିଭାବକ ମାନେ ଅନୁଷ୍ଠାନ ସହ ଯୋଗାଯୋଗ କରିବାକୁ ଅନୁରୋଧ କରାଯାଇଛି ।
ଦକ୍ଷିଣ ରାଉରକେଲାରେ ୧୮ କରୋନା ପଜେଟିଭ୍
ଲଘୁଚାପଜନିତ ବର୍ଷା ଯୋଗୁ ଚାଷୀ ଆଶ୍ୱସ୍ତ
ରାଉରକେଲା: :ଦୀର୍ଘଦିନ ହେବ ମୌସୁମୀର ଉଭାନ ପରେ ଚାଷକୁ ନେଇ ଚିନ୍ତାରେ ଥିବା ଚାଷୀଙ୍କ ମନରେ ଏବେ ହସ ଦେଖିବାକୁ ମିଳିଛି। ଆଜି ଲଘୁଚାପଜନିତ ଭଲ ବର୍ଷାସାଙ୍ଗକୁ ଦିନ ସାରା ଝିପିଝିପି ବର୍ଷା ଲାଗି ରହିଥିବାରୁ ଏବେ ବିଲରେ ପାଣି ଭର୍ତି ହୋଇଯାଇଛି । ପାଣି ଅଭାବରୁ ପଛେଇ ଯାଇଥିବା ଚାଷ କାମକୁ ଚାଷୀ ଆଗେଇ ନେବାକୁ ଅଂଟା ଭିଡ଼ିଛନ୍ତି ।ଅନେକ ଜମିରେ ଆଜି ଯାଏ ମଧ୍ୟ ପାଣି ଅଭାବରୁ ଚାଷ ହୋଇପାରିନାହିଁ ।ସେହିପରି ତଳି ପକାଇଥିବା ଜମିରେ ତଳି ସବୁ ପାଚିବାକୁ ବସିଥିବାବେଳେ ଚାଷୀ ତାକୁ ଲଗାଇôବା ସମ୍ଭବ ହୋଇନାହିଁ ।ଲାଠିକଟା ବ୍ଲକ ଅନ୍ତର୍ଗତ କେତେକ ଗ୍ରାମାଂଚଳରେ ସେହିପରି ମାଣ୍ଡିଆ ଫସଲ ମଧ୍ୟ ବର୍ଷା ଅଭାବରୁ ପ୍ରଭାବିତ ହୋଇଥିବା ଦେଖିବାକୁ ମିଳିଛି । ଚାଷୀ ହତାଶ ହୋଇ ଆକାଶକୁ ଚାହିଁ ରହିଥିବାବେଳେ ଆଜି ଭଲବର୍ଷା ଚାଷୀ ମନରେ ଏକ ନୂତନ ଆଶା ସଂଚାର କରିଛି ।