ନୂଆଦିଲ୍ଲୀ : ଏବେ ସବୁଠି ସାଉଥ ଫିଲ୍ମର କ୍ରେଜ୍ ଦେଖିବାକୁ ମିଳୁଛି । ସାରା ବିଶ୍ୱରେ ସାଉଥ ଫିଲ୍ମକୁ ଜବରଦସ୍ତ ରେସ୍ପନ୍ସ ଦେଉଛନ୍ତି ଦର୍ଶକ। ଷ୍ଟୋରୀ ଲାଇନ୍ ସାଙ୍ଗକୁ ଦମଦାର ଡାଇଲଗ୍ ଓ ଜବରଦସ୍ତ ଆକ୍ଟିଂ ପାଇଁ ସାଉଥ ଫିଲ୍ମ ଏବେ ଦର୍ଶକଙ୍କ ପ୍ରଥମ ପସନ୍ଦ ହୋଇଗଲାଣି। ଏହାରି ଭିତରେ ସାଉଥ ଜଗତର ଆଉ ଏକ ଜବରଦସ୍ତ ଫିଲ୍ମର ରିଲିଜ୍ ତାରିଖ ଘୋଷଣା ହୋଇଛି । ଇସ୍ରୋର ବୈଜ୍ଞାନିକ ନାମ୍ବି ନାରାୟଣନଙ୍କ ଜୀବନୀ ଉପରେ ଫିଲ୍ମଟି ନିର୍ମାଣ ହୋଇଛି । ଯାହାର ଟାଇଟେଲ ରହିଛି ‘ରକେଟ୍ରି-ଦ ନାମ୍ବି ଇଫେକ୍ଟ’ । ଜୁଲାଇ ୧ ତାରିଖରେ ଫିଲ୍ମଟି ବିଶ୍ୱବ୍ୟାପୀ ରିଲିଜ୍ ହେବ। ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଫିଲ୍ମର ନିର୍ଦ୍ଦେଶକ ଆର୍. ମାଧବନ ।
ସାଉଥ ତଥା ବଲିଉଡ ଷ୍ଟାର୍ ଆର୍. ମାଧବନ ଏହି ଫିଲ୍ମ ଜରିଆରେ ପ୍ରଥମଥର ପାଇଁ ନିର୍ଦ୍ଦେଶନା ଜଗତରେ ପାଦ ରଖିଛନ୍ତି। ଫିଲ୍ମରେ ନିର୍ଦ୍ଦେଶନା ଦେବା ସହିତ ମୁଖ୍ୟ ଚରିତ୍ର ନାମ୍ବିନାରାୟଣନଙ୍କ ଭୂମିକାରେ ବି ଅଭିନୟ କରିଛନ୍ତି ମାଧବନ୍ ।
ଫିଲ୍ମର ଟ୍ରେଲର ଉଭୟ ହିନ୍ଦୀ ଓ ତେଲଗୁ ଭାଷାରେ ରିଲିଜ୍ ହୋଇଛି। ଫିଲ୍ମରେ ଆର୍ ମାଧବନଙ୍କ ସହ ଶାହରୁଖ ଖାନ ବି ଅଭିନୟ କରିଛନ୍ତି। ଫିଲ୍ମଟି ଭାରତ ସହିତ ପ୍ରିନ୍ସଟନ, ସ୍କଟ୍ଲ୍ୟାଣ୍ଡ ଏବଂ ଋଷିଆରେ ଶୁଟିଂ ହୋଇଛି।
