ବ୍ରହ୍ମପୁର: ମାନସିକ ଅନଗ୍ରସର ମହିଳାଙ୍କୁ ବଳାତ୍କାର କରିବା ଅଭିଯୋଗ ବୈଦ୍ୟନାଥପୁର ଥାନା ପୁଲିସ ଜଣେ ରିକ୍ସା ଚାଳକଙ୍କୁ ଗିରଫ କରି କୋର୍ଟଚାଲାଣ କରିଛି । ଅଭିଯୁକ୍ତ ଜଣଙ୍କ ହେଲେ ଗୋଇଲୁଣ୍ଡିର ଜି. ଆଦିନାରାୟଣ ରେଡ୍ଡୀ(୩୭) ବୋଲି ଥାନା ଅଧିକାରୀ ରାମ କୁମାର ମୁର୍ମୁ ସୂଚନା ଦେଇଛନ୍ତି । ଗତକାଲି ମଧ୍ୟାହ୍ନରେ ଜଣେ ମାନସିକ ଅନଗ୍ରସର ମହିଳା ନିଖୋଜ ଥିଲେ । ଏନେଇ ତାଙ୍କ ଭଉଣୀ ବୈଦ୍ୟନାଥପୁର ନାରେ ଅଭିଯୋଗ କରିବା ପରେ ଏକ ନିଖୋଜ ମାମଲା ରୁଜୁ କରି ପୁଲିସ ଖୋଜାଖୋଜି କରିଥିଲା ।
ବିଳମ୍ବିତ ସନ୍ଧ୍ୟାରେ ମହିଳା ଜଣକ ଗୋଟିଏ ରିକ୍କାରେ ବସିଥିବା ପୁଲିସ ଦେଖିଥିଲା । ପୁଲିସ ତାଙ୍କୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରିଥିଲା । ସେ ଘରକୁ ଯାଇ ପରିବାର ଲୋକଙ୍କୁ ତାଙ୍କୁ ବଳାତ୍କାର ହୋଇଥିବା କହିଥିଲେ । ଏ ନେଇ ଆଜି ସକାଳୁ ପୀଡ଼ିତାଙ୍କ ଭଉଣୀ ଏ ସମ୍ପର୍କରେ ବୈଦ୍ୟନାଥପୁର ଥାନାରେ ଅଭିଯୋଗ କରିଥିଲେ । ପୁଲିସ ମାମଲା ରୁଜୁ କରି ଘଟଣାରରେ ତଦନ୍ତ କରି ସମ୍ପୃକ୍ତ ରିକ୍ସା ଚାଳକଙ୍କୁ ଗିରଫ କରିଥିଲା । ଅନ୍ୟପକ୍ଷରେ ପୀଡ଼ିତା ଜଣଙ୍କୁ ପୁଲିସ ଡାଙ୍କର ମାଇନା ନିମନ୍ତେ ପଠାଇଥିବା ସୂଚନା ମିଳିଛି ।
