୪ବର୍ଷର ଝିଅକୁ ଦୁଷ୍କର୍ମ

ଦେବଗଡ: ଝିଅ ମାନେ କେଉଁଠି ବି ସୁରକ୍ଷିତ ନୁହନ୍ତି । ଘରେ ନୁହେଁ, ବିଦ୍ୟାଳୟରେ ନୁହେଁ କେଉଁଠି ବି ନୁହେଁ । ଦିନରେ ସୁରକ୍ଷିତ ନୁହେଁ କି ରାତିରେ ନୁହେଁ । ବାପା, ଭାଇଙ୍କ ପାଖେ ବି ଝିଅଟି ସୁରକ୍ଷିତ ନୁହେଁ । କେବେ ଘରେ କେହି ନଥିବାର ସୁଯୋଗ ପାଇ ବାପା ଦୁଷ୍କର୍ମ କରୁଛି ତ କେବେ ଭାଇ, ଦାଦା, ମାମୁଁ । ଦୁଷ୍କର୍ମକାରୀ ମାନେ ଛୋଟ ଛୁଆଙ୍କୁ ମଧ୍ୟ ଦୁଷ୍କର୍ମ କରିବା ପାଇଁ ପଛାଉ ନାହାନ୍ତି । ଛୋଟ କୋମଳମତୀ ଶିଶୁ ଯିଏକି ଦୁନିଆକୁ ଠିକରେ ଚିହ୍ନି ନଥାଏ କ’ଣ ଠିକ କ’ଣ ଭୁଲ ତାହା ମଧ୍ୟ ଜାଣି ନଥାଏ ସେମାନଙ୍କ ସହ ଦୁଷ୍କର୍ମ ହେଉଛି । ତେବେ ଗତକାଲି ୭ବର୍ଷର ଜଣେ ଝିଅକୁ ଜଣେ ବୟସ୍କା ବ୍ୟକ୍ତି ଦୁଷ୍କର୍ମ କରିଥିବା ବେଳେ ଆଜି ୪ବର୍ଷର ଦୁଷ୍କର୍ମର ଶିକାର ହୋଇଛି । ଏହି ଘଟଣା ରିଆମାଳ ଥାନା ଅଞ୍ଚଳରେ ହୋଇଥିବା ଜଣାପଡିଛି । ଛୁଆଟି ଘର ବାହାରେ ଖେଳୁଥିବା ସମୟରେ ଉଠାଇ ନେଇ ଦିନ ଦ୍ୱିପ୍ରହରରେ ଦୁଷ୍କର୍ମ ହୋଇଛି । ୨ଜଣ ନାବାଳକ ଝିଅଟିକୁ ଉଠାଇ ନେଇ ଦୁଷ୍କର୍ମ କରିଥିବା ପରିବାର ଲୋକଙ୍କ ପକ୍ଷରୁ ରିଆମାଳ ଥାନାରେ ଲିଖିତ ଅଭିଯୋଗ କରାଯାଇଛି । ଏହି ଅଭିଯୋଗକୁ କେନ୍ଦ୍ର କରି ପୋଲିସ ୨ନାବାଳକଙ୍କୁ ଥାନାରେ ଅଟକ ରଖି ପଚରା ଉଚରା କରୁଥିବା ଜଣାପଡିଛି ।
https://onakhabar.com/2019/12/24/rape-and-murder-7/