କ୍ୱାଡ୍ ସମ୍ମିଳନୀ ବାତିଲ

ସିଡ୍‌ନୀ: ଚଳିତମାସ ୨୨ରୁ ୨୪ ପର୍ଯ୍ୟନ୍ତ ଅଷ୍ଟ୍ରେଲିଆର ସିଡ୍‌ନୀ ସହରରେ ଆୟୋଜିତ ହେବାକୁ ଥିବା ଚତୁଃରାଷ୍ଟ୍ରୀୟ କ୍ୱାଡ୍ ସମ୍ମିଳନୀକୁ ଅଷ୍ଟ୍ରେଲିଆ ସରକାର ବୁଧବାର ବାତିଲ ଘୋଷଣା କରିଛନ୍ତି । ସୂଚନାଯୋଗ୍ୟ ଭାରତ, ଅମେରିକା, ଜାପାନ ଓ ଅଷ୍ଟ୍ରେଲିଆକୁ ନେଇ କ୍ୱାଡ୍ ସଂଗଠନ ଗଠିତ ହୋଇଛି । ତେବେ ସରକାରୀ କାର୍ଯ୍ୟକ୍ରମ ଯୋଗୁଁ ଆମେରିକା ରାଷ୍ଟ୍ରପତି ଜୋ ବାଇଡେନ୍ ଅଷ୍ଟ୍ରେଲିଆ ଗସ୍ତରେ ଯାଉନଥିବାରୁ କ୍ୱାଡ୍ ବୈଠକକୁ ବାତିଲ କରାଯାଇଥିବା ଜଣାପଡିଛି । ତେବେ ଜାପାନରେ ଆୟୋଜିତ ହେବାକୁ ଥିବା ଜି-୭ ବୈଠକରେ ବାଇଡେନ୍ ଯୋଗଦେଉଥିବାବେଳେ ପାପୁଆ ନିଉ ଗିନିକୁ ମଧ୍ୟ ଗସ୍ତ କରିବେ ବୋଲି ହ୍ୱାଇଟ୍ ହାଉସ ପକ୍ଷରୁ ସ୍ପଷ୍ଟ କରାଯାଇଛି ।