ନୂଆଦିଲ୍ଲୀ : ବଲିଉଡ ତଥା ହଲିଉଡ୍ ଷ୍ଟାର ପ୍ରିୟଙ୍କା ଚୋପ୍ରା ଅନେକ ସମୟରେ ଚର୍ଚ୍ଚାରେ ରହିଥା’ନ୍ତି । ବର୍ତ୍ତମାନ ପ୍ରିୟଙ୍କା ଚୋପ୍ରାଙ୍କ ବିଷୟରେ ଆଉ ଏକ ବଡ଼ ଖବର ସାମ୍ନାକୁ ଆସିଛି । ପ୍ରିୟଙ୍କା ଚୋପ୍ରାଙ୍କୁ ଜିଓ ମାମି ଫିଲ୍ମ ଫେଷ୍ଟିଭାଲର ଚେୟାରମ୍ୟାନ୍ କରାଯାଇଛି। ପ୍ରିୟଙ୍କା ନିଜେ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରୁ ଏକ ଭିଡିଓ ସେୟାର କରି ଏହି ବିଷୟରେ ସୂଚନା ଦେଇଛନ୍ତି।
ପୂର୍ବରୁ ଜିଓ ମାମିର ଏହି ପଦବୀରେ ଦୀପିକା ପାଦୁକୋନ ଥିଲେ, କିନ୍ତୁ ଦୀପିକା ୪ ମାସ ପୂର୍ବରୁ ଏହି ପଦରୁ ଇସ୍ତଫା ଦେଇଥିଲେ ଏବଂ ପ୍ରିୟଙ୍କାଙ୍କୁ ମାମି ଟ୍ରଷ୍ଟି ବୋର୍ଡ ଦ୍ୱାରା ମନୋନୀତ କରାଯାଇଛି । ଏଥିରେ ନିତା ଅମ୍ବାନୀ, ଇଶା ଅମ୍ବାନୀ, କବୀର ଖାନ, କିରଣ ରାଓ, ରାଣା ଦାଗ୍ଗୁବତୀ, ରିତେଶ ଦେଶମୁଖ, ରୋହନ ସିପି, ସିଦ୍ଧାର୍ଥ ରାୟ କପୁର, ବିଶାଲ ଭରଦ୍ୱାଜ, ଜୋୟା ଅଖତର, ଅନୁପମା ଚୋପ୍ରା, ଅଜୟ ବିଜଲି, ଆନନ୍ଦ ମହିନ୍ଦ୍ରା, ଏବଂ ଫରହାନ ଅଖତର ଅନ୍ତର୍ଭୁକ୍ତ ଅଛନ୍ତି । ଜିଓ ମାମିର ଚେୟାରମ୍ୟାନ୍ ହୋଇ ପ୍ରିୟଙ୍କା ବହୁତ ଖୁସି ଅଛନ୍ତି । ଏକ ଭିଡିଓ ପୋଷ୍ଟ କରି ପ୍ରିୟଙ୍କା ତାଙ୍କ ଖୁସି ବ୍ୟକ୍ତ କରିଛନ୍ତି । ଏଥିରେ ପ୍ରିୟଙ୍କା କହିଛନ୍ତି, ଜିଓ ମାମିର ଚେୟାରମ୍ୟାନ୍ ହୋଇ ସେ ଗର୍ବିତ। ଏହା ସହିତ ଟିମ୍ରେ ଥିବା ପାୱାରହାଉସ୍ ମହିଳାମାନଙ୍କ ସହିତ କାମ କରି କରି ଏହି ଫେଷ୍ଟିଭାଲ୍କୁ ଏକ ଭିନ୍ନ ସ୍ତରକୁ ନେବାକୁ ସୁଯୋଗ ଦେଇଛି ।
