ନୂଆଦିଲ୍ଲୀ: ସେକ୍ସ ଟେପ୍ ଦୁର୍ନୀତିରେ ଜେଡି (ଏସ୍) ସାଂସଦ ପ୍ରଜ୍ୱଳ ରେବନ୍ନାଙ୍କ ବିରୋଧରେ ଦୁଷ୍କର୍ମ ମାମଲା ଦାୟର କରାଯାଇଛି। ଏହି ମାମଲା ଶୋଷଣ ଅଭିଯୋଗର ତଦନ୍ତ କରୁଥିବା କ୍ରାଇମବ୍ରାଞ୍ଚ ବିଭାଗ (ସିଆଇଡି) ପାର୍ଟି କର୍ମଚାରୀଙ୍କ ଅଭିଯୋଗକୁ ଭିତ୍ତି କରି ରୁଜୁ କରିଛି। ଦୁଷ୍କର୍ମ ବ୍ୟତୀତ ତାଙ୍କ ବିରୋଧରେ ଅଭିଯୋଗକାରୀଙ୍କୁ ଧମକ ଦେଇ ଫଟୋ ଉଠାଇବା ଅଭିଯୋଗ ବି ରହିଛି।
ଅଭିଯୋଗକାରୀ ମହିଳା ଜଣକ କହିଛନ୍ତି ଯେ ପ୍ରଜ୍ବଳ ତାଙ୍କୁ ବନ୍ଧୁକ ମୁନରେ ଦୁଷ୍କର୍ମ କରିଥିଲେ ଏବଂ ମୋବାଇଲ୍ ଫୋନରେ ତାଙ୍କ ଭିଡିଓ ସୁଟ୍ କରିଥିଲେ। ସେ କହିଛନ୍ତି ଯେ ପ୍ରଜ୍ବଳ ତାଙ୍କୁ ସାଂସଦ କ୍ୱାର୍ଟରକୁ ନେଇ ଯାଇଥିଲେ, ଯେଉଁଠାରେ ସେ ବନ୍ଧୁକ ମୁନରେ ଅପରାଧ କରିଥିଲେ ଏବଂ ଧମକ ଦେଇଥିଲେ ଯେ ସେ ଯାହା କରିଛନ୍ତି ତାହା କାହାକୁ ଜଣାଇଲେ ସେ ତାଙ୍କ ସ୍ୱାମୀଙ୍କୁ ହତ୍ୟା କରିବେ।
ସେ ଆହୁରି ବି କହିଛନ୍ତି ଯେ ଅଭିଯୁକ୍ତ ତାଙ୍କୁ ତାଙ୍କୁକ ସହ ସହଯୋଗ କରିବାକୁ ବାଧ୍ୟ କରିଥିଲେ ଏବଂ ଯଦି ସେ ସହଯୋଗ ନକରନ୍ତି ତେବେ ତାଙ୍କ ଭିଡିଓକୁ ସାର୍ବଜନୀନ କରିବାକୁ ଧମକ ଦେଇଥିଲେ। ପ୍ରଜ୍ବଳ ଅନେକ ମହିଳାଙ୍କୁ ଯୌନ ଶୋଷଣ କରିଥିବା ଅଭିଯୋଗର ସମ୍ମୁଖୀନ ହେଉଛନ୍ତି। ୩୩ ବର୍ଷୀୟ ସାଂସଦ ଅନେକ ମହିଳାଙ୍କୁ ଯୌନ ଶୋଷଣ କରିଥିବା ଅଭିଯୋଗ ହୋଇଛି। ନିକଟରେ ତାଙ୍କର ଅନେକ ଅଶ୍ଳୀଳ ଭିଡିଓ କ୍ଲିପ୍ ଭାଇରାଲ୍ ହୋଇଥିଲା। ଯାହାକୁ ନେଇ ବିବାଦ ଆରମ୍ଭ ହୋଇଛି। ପ୍ରଜ୍ବଳ ହେଉଛନ୍ତି ହାସନ ଲୋକସଭା ନିର୍ବାଚନମଣ୍ଡଳୀରୁ ବିଜେପି-ଜେଡି (ଏସ) ସହଯୋଗୀ ଦଳର ପ୍ରାର୍ଥୀ, ଯେଉଁଠାରେ ଏପ୍ରିଲ ୨୬ରେ ମତଦାନ ହୋଇଥିଲା ଜେଡି (ଏସ) ନେତୃତ୍ୱ ପ୍ରଜ୍ବଳଙ୍କୁ ଏବେ ଦଳରୁ ନିଲମ୍ବିତ କରିଛନ୍ତି।
