ପାକିସ୍ତାନୀ ନାବିକଙ୍କୁ ଉଦ୍ଧାର କଲା ଭାରତୀୟ ନୌସେନା

ନୂଆଦିଲ୍ଲୀ : ଆରବ ସାଗରରେ ଜଳଦସ୍ୟୁଙ୍କ କବଳରୁ ଅପହୃତ ଜାହାଜ ଏବଂ ଅପହୃତ ୨୩ ଜଣ ପାକିସ୍ତାନୀ ନାବିକଙ୍କୁ ଉଦ୍ଧାର କରିଛି ଭାରତୀୟ ନୌସେନା। ଗତକାଲି ଇରାନର ଏକ ମାଛ ଧରା ଜାହାଜକୁ ଆରବ ସାଗରରେ ଜଳଦସ୍ୟୁ ଅପରହଣ କରିନେଇଥିଲେ । ଏପରିକି ସେଥିରେ ଥିବା ୨୩ଜଣ ନାବିକଙ୍କ ମଧ୍ୟ ପଣବନ୍ଦୀ ରଖିଥିଲେ। ତେବେ ଏ ନେଇ ସମସ୍ତ ତଥ୍ୟ ପାଇବା ପରେ ନୌସେନାର ସ୍ୱତନ୍ତ୍ର ଟିମ ଆଇଏନଏସ ସୁମେଧା ଏବଂ ଆଇଏନଏସ ତ୍ରିଶୁଲର ସହାୟତା ନେଇ ଅପରେସନ ଆରମ୍ଭ କରିଥିଲେ । ଏହାପରେ ଭାରତୀୟ ନୌସେନା ମାଛଧରା ଜାହାଜକୁ ଘେରି ଯାଇଥିଲା। ଏହାପରେ ଅପହୃତା ଜଳଦସ୍ୟୁମାନେ ନୌସେନାର ପରାକ୍ରମ ଆଗରେ ହାର ମାନିଥିଲେ। ଏପରିକି ସମସ୍ତ ଲୁଟେରା ମାନେ ମଧ୍ୟ ନୌସେନା ନିକଟରେ ଆତ୍ମସମର୍ପଣ କରିଛନ୍ତି। ତେବେ ସମସ୍ତ ଲୁଟେରାଙ୍କୁ ଗିରଫ କରି ସମସ୍ତ ଘଟଣା ବାବଦରେ ଅଧିକ ତଦନ୍ତ କରୁଛି ନୌସେନା।