ଯାଜପୁର : ଜିଲ୍ଲାର ଧର୍ମଶାଳା ଅଞ୍ଚଳ ରେ ଅଭାବନୀୟ ଘଟଣା ଘଟିଛି ବାଇକ ଧକ୍କାରେ ଜଣେ ଯୁବକ ମୃତଘଟିଛି । ଘଟଣା ଟି ଘଟିଛି ଧର୍ମଶାଳା ବ୍ଲକ କୋତପୁର- କାଏମା କେଲୁଅ ନଦୀ ବନ୍ଧ ରାସ୍ତାର ଗୋପନଗର ନିକଟରେ । ମୃତ ଯୁବକ ଜଣକ ହେଲେ ଭାଗବାନପୁର ଗ୍ରାମର ପ୍ରଶାନ୍ତ ବେହେରା। ସୂଚନା ମୁତାବକ ପ୍ରଶାନ୍ତ କୌଣସି କାମରେ ଘରୁ ଜାରକା ଅଭିମୁଖେ ବାଇକ ଯୋଗେ ଯାଉଥିବା ସମୟରେ ବିପରୀତ ଦିଗରୁ ଆସୁଥିବା ଆଉ ଏକ ବାଇକ ତାଙ୍କୁ ଧକ୍କା ଦେଇଥିଲା ।
ଫଳରେ ସେ ଗାଡିରୁ ଛିଟିକି ପଡ଼ିଥିଲେ। ତାଙ୍କୁ ୧୦୮ ଆଯୋଗେ ପ୍ରଥମେ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ସେଠାରେ ଅବସ୍ଥା ସଙ୍କଟାପନ୍ନ ହେବାରୁ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତାଙ୍କର ଅକାଳ ବିୟୋଗରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
