ଆରପାରିରେ ସାଉଥର ଜଣାଶୁଣା ଗାୟିକା ଉମା ରାମାନନ

ନୂଆଦିଲ୍ଲୀ : ସାଉଥର ଜଣାଶୁଣା ଗାୟିକା ତଥା ଟେଲିଭିଜନ ଉପସ୍ଥାପକ ଉମା ରାମାନନଙ୍କ ଦେହାନ୍ତ ହୋଇଛି। ପ୍ରକାଶିତ ରିପୋର୍ଟ ମୁତାବକ, ତାମିଲ ଗାୟିକା ଉମା ରାମାନନଙ୍କ ମଇ ୧ ତାରିଖରେ ୬୯ବର୍ଷ ବୟସରେ ଦେହାନ୍ତ ହୋଇଛି। ସେ ଚେନ୍ନାଇରେ ଥିବା ବେଳେ ଶେଷ ନିଶ୍ବାସ ତ୍ୟାଗ କରିଛନ୍ତି। ଉମାଙ୍କ ଦେହାନ୍ତ ଖବର ଆସିବା ପରେ ଦକ୍ଷିଣ ସିନେମାଜଗତରେ ଶୋକରଛାୟା ଖେଳିଯାଇଛି। ତେ‌ବେ ଖବର ଲେଖାହେଲା ପର୍ଯ୍ୟନ୍ତ ଉମାଙ୍କ ମୃତ୍ୟୁ କେଉଁ କାରଣରୁ ହୋଇଛି ସେନେଇ ସ୍ପଷ୍ଟ ସୂଚନା ମିଳି ପାରିନାହିଁ। ଉମାଙ୍କ ପରିବାରରେ ସ୍ୱାମୀ ଏ.ଭି ରମାନନ ଏବଂ ତାଙ୍କ ପୁଅ ବିଗ୍ନେଶ ରମାନନ ଅଛନ୍ତି। ଉମା ଏବଂ ଇଲେୟାରାଜା ଏକାଠି ଅନେକ ହିଟ ସିନେମା ଦେଇଛନ୍ତି। ଏଥିମଧ୍ୟରେ ଗୀତାଞ୍ଜଳି, ଔରୁ ଜୀବନ ଅଲେଥାଥୁ, ଅରଙ୍ଗେଟ୍ରା ଭେଲାଇରୁ ଆଗାଭା ଭେନ୍ରିଲାଭେ, ଥାମ୍ବିକ୍କୁ ଏନ୍ଥା ଓରୁରୁ ପୁପଲମ୍ ଇସାଇକୁମ୍, ନୀଲଲଗଲରୁ ପୁଙ୍ଗାଥାଭେ ଥାଲ୍ ଥିରାବଇ ଇତ୍ୟାଦି ସାମିଲ ରହିଛି।