ନାଳରୁ ଶିଶୁକନ୍ୟା ଉଦ୍ଧାର

ପଦ୍ମପୁର: ଦିନକୁ ଦିନ ଭ୍ରୁଣ ହତ୍ୟା ଭଳି ଘଟଣା ବଢିବାରେ ଲାଗିଛି । ଝିଅ ମାନଙ୍କ ପ୍ରତି ଅସଦାଚରଣ, ଅନ୍ୟାୟ ହେଉଛି । ତେବେ ଅଧିକାଂଶ ସମୟରେ କନ୍ୟା ଭ୍ରୁଣ ହତ୍ୟା ହେଉଛି ତ କେବେ ଜବଜାତ ଶିଶୁ କନ୍ୟାକୁ ନାଳ, ଡଷ୍ଟବିନରେ ଫୋପାଡି ଦେଉଛନ୍ତି । ତେବେ ଏଭଳି ଏକ ଘଟଣା ବରଗଡରେ ଦେଖିବାକୁ ମିଳିଛି ।
ସୂଚନା ଅନୁସାରେ, ବରଗଡ଼ ଜିଲ୍ଲା ପଦ୍ମପୁର ସହରର ଶାସ୍ତ୍ରୀ ଛକ ପାଖରେ ଥିବା ଡ୍ରେନରୁ ଏକ ନବଜାତ ଶିଶୁକନ୍ୟାକୁ ଉଦ୍ଧାର କରାଯାଇଛି । ଆଜି ଭୋର ୫ଟା ବେଳେ ଶମ୍ଭୁ ନାମକ ଜଣେ ବ୍ୟକ୍ତି ସେହି ରାସ୍ତା ଦେଇ ଶୌଚ ପାଇଁ ଯାଉଥିଲେ । ଏହି ସମୟରେ ଶିଶୁର କାନ୍ଦ ଶୁଣି ଚାରିଆଡ଼େ ଖୋଜାଖୋଜି କରିଥିଲେ । କିଛି ସମୟ ପରେ ଏକ ପ୍ଲାଷ୍ଟିକ୍ ବସ୍ତାରେ ଶିଶୁକୁ କାଦୁଅରେ ଜୁଡୁବୁଡୁ ଅବସ୍ଥାରେ ଉଦ୍ଧାର କରିଥିଲେ। ଏହାପରେ ସେ ନିକଟସ୍ଥ ସାହି ବାସିନ୍ଦାଙ୍କୁ ଖବର ଦେଇଥିଲେ । ଶିଶୁଟିକୁ ପଦ୍ମପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ଶିଶୁଟି ସୁସ୍ଥ ଥିବା ଜଣାପଡ଼ିଛି। ତେବେ ପିଲାଟିର ବାପା ମା ତାକୁ ଏଠାରେ ପକାଇଛନ୍ତି କି ଆଉ କିଏ ସେ ନେଇ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଯୋର ଧରିଛି ।
https://onakhabar.com/2019/12/14/rape-case-again-in-hyderabad/