ପୁଅ ଅନନ୍ତଙ୍କ ବିବାହ ଉତ୍ସବକୁ ନେଇ ମୁକେଶ କହିଲେ ଏମିତି କିଛି କଥା

ମୁମ୍ବାଇ : ରିଲାଏନ୍ସ ଇଣ୍ଡଷ୍ଟ୍ରିଜର ମାଲିକ ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ ଜୁଲାଇ ୧୨ରେ ରାଧିକା ମର୍ଚାଣ୍ଟଙ୍କୁ ବିବାହ କରିଥିଲେ। ବିବାହର ତିନି ଦିନ ମଧ୍ୟରେ ରିଲାଏନ୍ସ ଇଣ୍ଡଷ୍ଟ୍ରିଜର ମାଲିକ ମୁକେଶ ଅମ୍ବାନୀ ଏବଂ ତାଙ୍କ ପତ୍ନୀ ନୀତା ଅମ୍ବାନୀ ତିନୋଟି ରିସେପ୍ସନ୍ ଆୟୋଜନ କରିଥିଲେ। ଜୁଲାଇ ୧୩ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅମ୍ବାନିଙ୍କ ପୁଅ ବାହାଘରରେ ଯୋଗ ଦେଇଥିଲେ। ଏହାର ପରଦିନ ମଙ୍ଗଲ ଉତ୍କଳ ହୋଇଥିଲା ଯେଉଁଥିରେ ବହୁ ସଂଖ୍ୟାରେ ସେଲିବ୍ରିଟି, ପ୍ରଭାବଶାଳୀ ନେତା ଏବଂ ଅନ୍ୟମାନେ ଯୋଗ ଦେଇଥିଲେ। ଶେଷରେ ବିବାହ ଉତ୍ସବର ଶେଷ ଦିନ ରିଲାଏନ୍ସ କର୍ମଚାରୀ, ମିଡିଆ ଏବଂ ଅମ୍ବାନୀ ପରିବାରର ଘର କର୍ମଚାରୀଙ୍କ ପାଇଁ ଖୁଶିର ଦିନ ଥିଲା ଜ୍ଝ କାରଣ ସେମାନେ ମୁକେଶଙ୍କ ପୁଅ ବାହାଘରେ ଯୋଗଦେଇଥିଲେ । ମୁକେଶ ମଧ୍ୟ କହିଥିଲେ ସମସ୍ତେ ନିମନ୍ତ୍ରଣ ରକ୍ଷା କରିଥିବାରୁ ସେ ବହୁତ ଖୁଶି ହୋଇଥିଲେ ଏବଂ କହିଥିଲେ ଏହା ଥିଲା ମୋ ପାଇଁ ସବୁଠୁ ବଡ଼ ଗୁରୁତ୍ୱଦିନ ଏହି ଦିନ ଗୁଡିକୁ ମୁଁ କେବେ ଭୁଲିବିନି । ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ବିଲିୟନେୟାର ଜୁଲାଇ ୧୫ ରେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ବିବାହ ଉତ୍ସବ ପାଇଁ ଜିଓ ୱାର୍ଲ୍ଡ ସେଣ୍ଟରରେ ଏକତ୍ରିତ ହୋଇଥିବା ଜନତାଙ୍କୁ ସମ୍ବୋଧିତ କରୁଥିବା ଦେଖିବାକୁ ମିଳିଥିଲା । ଭିଡ଼ରେ ରିଲାଏନ୍ସ କର୍ମଚାରୀ ଏବଂ ପରିବାର କର୍ମଚାରୀ ସେମାନଙ୍କ ପରିବାର ସହିତ ରହିଥିଲେ । ତେବେ ଏହି ଶୁଭ ମୁହୂର୍ତ୍ତରେ କହିଥିଲେ ସମସ୍ତଙ୍କୁ ଏକ ବଡ଼ ସ୍ୱାଗତ। ଆଜି ଅନନ୍ତ ଏବଂ ରାଧିକାଙ୍କର ଶେଷ ଉତ୍ସବ। କିନ୍ତୁ ମୋ ପାଇଁ ଏହା ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଉତ୍ସବ  ।