ମୁମ୍ବାଇରେ ଭୟାବହ ଅଗ୍ନିକାଣ୍ଡ

ମୁମ୍ବାଇ: ମୁମ୍ବାଇର ମାନଖୁର୍ଦରେ ଏକ ଭୟାବହ ଅଗ୍ନିକାଣ୍ଡ ଘଟିଯାଇଛି । ନିଆଁ ଲାଗିବା ନେଇ ସୂଚନା ମିଳିବା ପରେ ଦମକଳ ବାହିନୀର ୧୫ଟି ଗାଡି ଘଟଣାସ୍ଥଳରେ ପହଂଚିଛି । ତେବେ କେଉଁ କାରଣ ପାଇଁ ନିଆଁ ଲାଗିଲା ତାହାର ପ୍ରକୃତ କାରଣ ଜଣାପଡିନାହିଁ । ଏମିତି ମାତ୍ରାରେ ଅଗ୍ନିକାଣ୍ଡ ହୋଇଥିଲା ଯେ, ୧୦ରୁ ୧୫ ଫୁଟ ପର୍ଯ୍ୟନ୍ତ ଧୂଆଁ ଉଠିଥିଲା । ଆଜି ଦିନ ୨ଟା ୪୪ ମିନିଟରେ ଏହି ଅଗ୍ନିକାଣ୍ଡ ଘଟିଥିବା କୁହାଯାଉଛି । ମାନଖୁର୍ଦର କୁର୍ଲା ସ୍କ୍ରାପରେ ଲାଗିଛି । ବର୍ତମାନ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରାଯାଉଛି । ତେବେ ଏହି ଅଗ୍ନିକାଣ୍ଡରେ କିଏ ମୃତାହତ ହୋଇଥିବା ଖବର ସାମ୍ନାକୁ ଆସିନାହିଁ ।