କରୋନା ମହାମାରୀ ଯୋଗୁଁ ଫିକା ପଡିଲା ମା’ ଗଜ ଲକ୍ଷ୍ମୀ ପୂଜା

ଭୁବନେଶ୍ୱର: କରୋନା ମହାମାରୀ ଯୋଗୁଁ ଫିକା ପଡିଲା ମା ଗଜ ଲକ୍ଷ୍ମୀ ପୂଜା ମଣ୍ଡପ । ଏଭଳି ଦୃଶ୍ୟ ଦେଖିବାକୁ ମିଳିଛି ନୟାଗଡ ଜିଲ୍ଲା ପୂଜା ମଣ୍ଡପ ଗୁଡିକରେ ବିଶେଷ କରି ଜୁବୁଲିମାର୍କେଟ ବ୍ୟବସାୟୀ ପ୍ରତିଷ୍ଠାନରେ । ସବୁବର୍ଷ ଧୂମଧାମରେ ପୂଜା ସହ ସଂସ୍କୁତିକ କାର୍ଯ୍ୟକ୍ରମ ହୋଇ ଆସୁଥିଲା ବେଳେ ଏ ବର୍ଷ କରୋନା ଯୋଗୁଁ ପୂଜା ମଣ୍ଡପରେ ନା ଅଛି ଭଲ ସାଜସଜା, ନା ସାଂସ୍କୃତିକ କାର୍ଯ୍ୟକ୍ରମ, ନା ଅଛି ଜନସାଧାରଣଙ୍କ ଗହଳି । ଜନସାଧାରଣଙ୍କ ଖୁସିର ମାହୋଲ କମିଯାଇ ଥିଲା ବେଳେ କରୋନା ଯୋଗୁଁ ସଚେତନ ହୋଇ ପୂଜା କମିଟିର ସମସ୍ତ ସଦସ୍ୟ ଙ୍କ ସହଯୋଗ ରେ ପ୍ରଶାସନିକ କଟକଣାକୁ ମାନି ମା ଙ୍କ ର ପୂଜା ଅର୍ଚ୍ଚନା କରିଥିଲେ । କୌଣସି କାର୍ଯ୍ୟକ୍ରମ ନଥିଲା ବେଳେ, ଦର୍ଶନ କରିବାକୁ ଆସୁଥିବା ଶ୍ରଦ୍ଧାଳୁଙ୍କ ମନରେ ଉଦବେଗ ପ୍ରକାଶ ପାଇଥିଲା । ଦୂରରେ ଥାଇ ଦୂରତା ରକ୍ଷା କରି ମାଙ୍କ ଦର୍ଶନ କରି ଫେରିଯାଉଥିଲେ ଏବଂ ପଚାରିଲେ କହୁଥିଲେ ସବୁ ବର୍ଷ ଧୂମଧାମରେ ହେଉଥିଲା । କିନ୍ତୁ ଏ ବର୍ଷ କରୋନା ଯୋଗୁଁ ସବୁ ବନ୍ଦ ରହିଛି । ମାଙ୍କ ନିକଟରେ ଏତିକି ପ୍ରାଥନା କରୁଛୁ କରୋନା ଦୁରେଇ ଯାଉ, ମାଙ୍କ ପୂଜା ଧୂମଧାମ ରେ ସବୁବର୍ଷ ହେଉ, ଅନୁଷ୍ଠାନରେ ଯଥା ରୀତି ନୀତିରେ ମାଙ୍କ ପୂଜାକୁ ଅନୁଷ୍ଠାନର ସଭାପତି ଶରତ ଚନ୍ଦ୍ର ସାହୁ ଓ ସମ୍ପାଦକ କୈଳାଶ ଚନ୍ଦ୍ର ବେହେରା ଅନୁଷ୍ଠାନ ସମସ୍ତ ସଦସ୍ୟ ଙ୍କ ଗହଣ ରେ ଓ ସହଯୋଗରେ ପୂଜା ପାଳିତ ହୋଇଥିଲା ।