ରାଜ୍ୟ ସ୍ତରୀୟ ସାରସ୍ୱତ ସମାରୋହ – ୨୦୧୯, ସାହିତ୍ୟିକ ଶୁଭ୍ରାଂଶୁ ଶେଖର ପଣ୍ଡା ସମ୍ମାନିତ

ବଲାଙ୍ଗୀର :  “ଓଡିଶା ପ୍ରତିଭା ପୂଜା ସଂସଦ” ଦ୍ୱାରା ଆୟୋଜିତ ଭଜବିଂଶତିତମ ରାଜ୍ୟ ସ୍ତରୀୟ ସାରସ୍ୱତ ସମାରୋହ ଶ୍ରୀରାମ ଚନ୍ଦ୍ର ଭବନ କଟକ ଠାରେ ଅନୁଷ୍ଠିତ ହୋଇଯାଇଛି । ଏଥିରେ ଓଡିଶା ଉଚ୍ଚ ନ୍ୟାୟାଳୟର ଅବସରପ୍ରାପ୍ତ ବିଚାରପତି ଜଷ୍ଟିସ ଏ.ସୂର୍ଯ୍ୟନାରାୟଣ ନାଇଡୁ ମୁଖ୍ୟ ଅତିଥି ଭାବରେ ଯୋଗଦେଇ ଓଡିଶାର ବିଭିନ୍ନ ଅଂଚଳରୁ ଆସିଥିବା ପ୍ରତିଭାମାନଙ୍କୁ ସମ୍ମାନିତ କରିଥିଲେ । ଏହି କ୍ରମରେ ଉକ୍ତ ଉତ୍ସବରେ ଅନ୍ୟମାନଙ୍କ ମଧ୍ୟରେ ବଲାଙ୍ଗିରର ଆଇନଜିବୀ ତଥା ସାରସ୍ୱତ ସାଧକ କବି, ଲେଖକ ତଥା ସାହିତ୍ୟିକ ଶୁଭ୍ରାଂଶୁ ଶେଖର ପଣ୍ଡାଙ୍କୁ ‘ସଫଳ ସାହିତ୍ୟିକ ସମ୍ମାନ ୨୦୧୯’ ରେ ସମ୍ମାନିତ କରାଯାଇଥିଲା । ଅନୁଷ୍ଠାନର ସଭାପତି ଡଃ ସତ୍ୟ ରାୟ ଓ ସଂପାଦକ ଦିଲ୍ଲିପ କୁମାର ଦାସ ଓ ଅନ୍ୟାନ୍ୟ ଅତିଥିମାନଙ୍କ ଗହଣରେ ଜଷ୍ଟିସ ନାଇଡୁ ଶ୍ରୀ ପଣ୍ଡାଙ୍କୁ ସମ୍ମାନିତ କରିଥିଲେ ।