ଭୁବନେଶ୍ୱର: ଶନିବାର ଓଡ଼ିଶାର ବିଭିନ୍ନ ସ୍ଥାନରେ ବଜ୍ରପାତ ଘଟି ୭ ଜଣଙ୍କ ମୃତ୍ୟୁ ଘଟିଥିବା ବେଳେ ୮ ଜଣ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ମହିଳା, ଦୁଇ ଜଣ ଯୁବକ, ଜଣେ ନାବାଳକ, ଜଣେ ଚାଷୀ, ଜଣେ ବୃଦ୍ଧ, ଜଣେ ଯୁବକ ଓ ଜଣେ ୫୫ ବର୍ଷୀୟ ବୃଦ୍ଧ ରହିଛନ୍ତି। ବୌଦ୍ଧ, ବଲାଙ୍ଗିର, ଖୋର୍ଦ୍ଧା, ଜଗତସିଂହପୁର, ଗଜପତି, ଅନୁଗୁଳ ଓ ଗଞ୍ଜାମ ଜିଲ୍ଲାରେ ବଜ୍ରପାତରୁ ଏହି ସବୁ ମୃତ୍ୟୁ ହୋଇଛି।
ବୌଦ୍ଧ ଜିଲ୍ଲା ରାଉତବାହାଲ ଗାଁର ଜଣେ ମହିଳା କ୍ଷେତରେ କାମ କରୁଥିବା ବେଳେ ବଜ୍ରପାତର ଶିକାର ହୋଇଥିଲେ। ବଲାଙ୍ଗୀର ଜିଲ୍ଲା କୁଟିସିଂହା ଓ ଖୋର୍ଦ୍ଧା ଜିଲ୍ଲା ଅରଙ୍ଗ ଗାଁରେ ବଜ୍ରପାତରେ ଦୁଇ ଜଣ ଯୁବକଙ୍କ ମୃତ୍ୟୁ ଘଟିଛି। ସେହିପରି ଅରଙ୍ଗା ଗାଁର ତିନି ଜଣ ସ୍ଥାନୀୟ ଲୋକ ମଧ୍ୟ ସମାନ ବଜ୍ରପାତରେ ଆହତ ହୋଇଛନ୍ତି।
