ଢେଙ୍କାନାଳ : ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଆମ୍ବପଳାସ ପୁରୁଣାଡିହ ସାହିରେ ଘଟିଛି ଅଭାବନୀୟ ଘଟଣା । ଯୁବକଙ୍କୁ ଠେଙ୍ଗାରେ ପିଟି ହତ୍ୟା କରାଯାଇଛି । ମୃତ ଯୁବକ ଜଣଙ୍କ ପୁରୁଣାଡିହ ଯୋଗୀ ସାହିର ଅଚ୍ୟୁତାନନ୍ଦ ନାଥ। ଅଚ୍ୟୁତାନନ୍ଦ ଗାଧୋଇବାକୁ ଯାଇ ଘରକୁ ଫେରୁଥିବାବେଳେ ଜମିବାଡ଼ିକୁ କେନ୍ଦ୍ରକରି ତାଙ୍କୁ ଠେଙ୍ଗାରେ ପିଟି ହତ୍ୟା କରାଯାଇଥିବା ଅଭିଯୋଗ ହୋଇଛି। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ଖବର ପାଇ ପରଜଙ୍ଗ ପୋଲିସ ମୃତଦେହକୁ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି। ତେବେ ପୂର୍ବରୁ ଜମିବାଡି଼କୁ ନେଇ ବିବାଦ ଥିବା ଅଚ୍ୟୁତାନନ୍ଦଙ୍କ ଭାଇ ପ୍ରକାଶ କରିଛନ୍ତି। ଯାହାକୁ ନେଇ ଗତ କିଛି ବର୍ଷ ହେବ ଦୁଇଟି ପରିବାର ମଧ୍ୟରେ ତିକ୍ତତା ବଢିଥିଲା। ତାହା ଆଜି ରକ୍ତପାତର ରୂପ ନେଇଛି। ଏ ନେଇ ପରଜଙ୍ଗ ପୋଲିସ ଛାନଭିନ ଆରମ୍ଭ କରି ଦେଇଛି।