ସୁନାବେଡ଼ାରୁ ଅପହୃତ ନାବାଳିକା ହାଇଦ୍ରାବାଦରୁ ଉଦ୍ଧାର, ଅଭଯୁକ୍ତ ଗିରଫ

କୋରାପୁଟ: ଗତମାସ ୧୭ତାରିଖରେ ସୁନାବେଡାରୁ ଅପହୃତ ଜଣେ ନାବାଳିକାକୁ ପୁଲିସ୍ ତେଲେଂଗାନାର ହାଇଦ୍ରାବାଦରୁ ଉଦ୍ଧାର କରିଥିବାବେଳେ ଅପହରଣ କରିଥିବା ନାବାଳକ ଅଭିଯୁକ୍ତକୁ ଗିରଫ କରି ଜୁଭେନାଇଲ୍ ଜଷ୍ଟିସ୍ ବୋର୍ଡକୁ ଚାଲାଣ କରିଛି । ସୂଚନା ଅନୁଯାୟୀ,ସୁନାବେଡାର ଜୈନିକ ବ୍ୟକ୍ତି ତାଙ୍କ ନାବାଳିକା ଝିଅକୁ ଅପହରଣ କରା ଯାଇଥିବା ବିଷୟ ଜୁନ୍ ୩୦ରେ ସୁନାବେଡା ଥାନାରେ ଅଭିଯୋଗ କରିଥିଲେ । ପୁଲିସ୍ ଏକ ମାମଲା(କେଶ୍ ନଂ-୪୧/୨୦୨୧)ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା । ଅପହୃତ ନାବାଳିକା ଜଣକ ହାଇଦ୍ରାବାଦରେ ଥିବା କୌଣସି ସୂତ୍ରରୁ ଶବର ପାଇ ଏକ ସ୍ୱତନ୍ତ୍ର ଟିମ୍ ହାଇଦ୍ରାବାଦ୍ ଗସ୍ତ କରି ଜୁଲାଇ ୧୭ରେ ନାବାଳିକାକୁ ଠାବ କରି ସୁନାବେଡାକୁ ଫେରାଇ ଆଣିଥିଲା ଓ ନାବାଳିକାର ବୟାନ୍ ରେକର୍ଡ ପରେ ତାକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା । ପୁଲିସ୍ ଏହି ଅପହରଣ ମାମଲାରେ ଆଇପିସି ୩୬୩ ରେ ସ୍ଥାନୀୟ ଜଣେ ନାବାଳକକୁ ଗିରଫ କରି ଜୁଭେନାଇଲ୍ ଜଷ୍ଟିସ୍ ବୋର୍ଡର୍କୁ ଚାଲାଣ କରିଥିବା ସୁନାବେଡା ଥାନା ଅଧିକାରୀ ପ୍ରଦ୍ୟୁମ୍ନ ମହାପାତ୍ର ସୂଚନା ଦେଇଛନ୍ତି । ତେବେ ନାବାଳକ ଜଣକ ଜାମିନରେ ଆସିଥିବା ଜଣାପଡିଛି ।