ନୂଆପଡା : ଭିଜିଲ୍ଲାନ୍ସ ଜାଲରେ ଖଡିଆଳ ଏନଏସି ଜେଇ । ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ୩୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍ । ନୂଆପଡା ଜିଲ୍ଲା ଖଡିଆଳ ଏନଏସି ୱାର୍ଡ ନଂ ୧୨ର ଜଣେ ବ୍ୟକ୍ତିଙ୍କୁ ଆବାସ ଗୃହ ପାଇଁ ଲାଞ୍ଚ ଦାବି କରି ଆସୁଥିଲେ ଜେଇ ।
ଏହାକୁ ନେଇ ସଂପୃକ୍ତ ବ୍ୟକ୍ତି ଭିଜିଲାନ୍ସର ଦ୍ବାରସ୍ଥ ହୋଇଥିଲେ । ଏହା ପରେ ସୋମବାର ଖଡିଆଳ ପୁଟୁପଡା ସ୍ଥିତ ଏକ ପେଟ୍ରୋଲ ପମ୍ପ ନିକଟରେ ୩୦ ହଜାର ଟଙ୍କା ଲାଞ୍ଚ ନେଉଥିବା ସମୟରେ ଭିଜିଲାନ୍ସ ଟିମ୍ ଧରିଛି । ଏହାସହ ଜେଇଙ୍କ କାର୍ଯ୍ୟାଳୟ ସହ ସରକାରୀ ବାସଭବନ ଓ କଳାହାଣ୍ଡି ଜିଲ୍ଲା କୁସୁମଖୁଣ୍ଟି ସ୍ଥିତ ବାସଭବନରେ ଚଢାଉ ଜାରି ରଖିଥିବା ଜଣାପଡିଛି ।
ଭିଜିଲ୍ଲାନ୍ସ ହାବୁଡରେ ଖଡିଆଳ ଏନଏସି ଜେଇ, ୩୦ହଜାର ଟଙ୍କା ଲାଞ୍ଚ ନେବାବେଳେ ଧରାପଡିଲେ
