କୈଫ ଖାନ୍ ସହଯୋଗୀ ଇସ୍ରାଏଲ ଗିରଫ

କଟକ: ଭଣ୍ଡ ମୌଲାନା କୈଫ ଖାନ୍ ସହଯୋଗୀ ଇସ୍ରାଏଲକୁ ଆଜି ମଙ୍ଗଳାବାଗ ପୁଲିସ ଗିରଫ କରିଛି । ଇସ୍ରାଏଲ ହିଁ ଭଣ୍ଡ ମୌଲାନାର ମଧ୍ୟସ୍ତି ଥିଲା । ସେ ବିଭିନ୍ନ ଲୋକଙ୍କ ସହିତ ଟଙ୍କା କାରବାର ପାଇଁ ଡିଲ୍ କରୁଥିଲା । ଏହିସବୁ କାମ କରିବା ପାଇଁ ଇସ୍ରାଏଲକୁ ମାସିକ ୧୧ହଜାର ଟଙ୍କା ଦରମା ଦେଉଥିଲା କୈଫ । ଇସ୍ରାଏଲ ଏବଂ ତା ସ୍ତ୍ରୀର ଦୁଇଟି ବ୍ୟାଙ୍କ ଆକାଉଣ୍ଟରୁ ୮ ଲକ୍ଷ ଟଙ୍କା ଟ୍ରାନସଫର ହୋଇଥିବା ମଧ୍ୟ ପୁଲିସ ତଦନ୍ତରୁ ଜଣାପଡିଛି । ସେପଟେ ମୌଲାନା ର ରିମାଣ୍ଡ ଅବଧିର ପ୍ରଥମ ଦିନରେ ପଚରା ଉଚାରା ବେଳେ ପୁଲିସକୁ ସହଯୋଗ କରିନଥିବା ବେଳେ ଦ୍ୱିତୀୟ ଦିନରେ ପଚରା ଉଚରା ସମୟରେ ସହଯୋଗ କରି ଅନେକ କିଛି ତଥ୍ୟ ଲାଗିଛି ପୋଲିସ ହାତରେ । ଠକେଇ କରିଥିବା ଟଙ୍କାକୁ ସେ ବିଭିନ୍ନ ଜାଗରେ ଇନଭେଷ୍ଟମେଣ୍ଟ କରିଥିବା ଜଣାପଡିଛି । ଦରଘାବଜାର ଅଞ୍ଚଳରେ ଥିବା ସାହାରା ଇଣ୍ଡିଆରେ ୧୬ ଲକ୍ଷ ଟଙ୍କାର ଫିକ୍ସ ଡିପୋଜିଟ ଥିବା ଜଣାପଡିଛି । ତା ସହ କୋଲକାତାର ଏକ ସେୟାର ମାର୍କେଟରେ ୨୩ ଲକ୍ଷ ଟଙ୍କା ଇନଭେଷ୍ଟ କରିଛି । ତାର ଆଉ ଏକ କାର ଓ ବାଇକ ମଧ୍ୟ ପୋଲିସ ଜବତ କରିଛି ।