କାକାମିଗହରା : ଏଠାରେ ଚାଲିଥିବା ଜୁନିଅର୍ ମହିଳା ଏସିଆ କପ୍ ହକିରେ ଗୁରୁବାର ଭାରତ ସେମିଫାଇନାଲ୍ରେ ପ୍ରବେଶ କରିଛି । ଦଳ ତା’ର ଅନ୍ତିମ ପୁଲ୍ ମ୍ୟାଚ୍ରେ ଚାଇନିଜ୍ ତାଇପେଇକୁ ଭେଟିଥିବା ବେଳେ ଏଥିରେ ୧୧-୦ରେ ବିଜୟୀ ହୋଇ ଶୀର୍ଷ ସ୍ଥାନ ସହ ଅନ୍ତିମ ୪ ଟିମ୍ରେ ସାମିଲ୍ ହୋଇଛି । ଏଥିସହ ଦଳ ପୁଲ୍ ପର୍ଯ୍ୟାୟରେ ଅପରାଜେୟ ମଧ୍ୟ ରହିଛି । ପୁଲ୍ ପର୍ଯ୍ୟାୟରେ ଦଳ ମୋଟ ୪ଟି ମ୍ୟାଚ୍ ମଧ୍ୟରୁ ୩ଟିରେ ବିଜୟୀ ହୋଇଥିବା ବେଳେ ଅନ୍ୟ ମ୍ୟାଚ୍ଟିକୁ ଡ୍ର’ ରଖିଛି ।
ଗୁରୁବାରର ଏକତରଫା ମ୍ୟାଚ୍ରେ ଭାରତ ପକ୍ଷରୁ ଅନୁ ଓ ସୁନେଲିତା ଟପ୍ପୋ ଦୁଇଟି ଲେଖାଏଁ ଗୋଲ୍ ଦେଇଥିଲେ । ଅନୁ ଦଶମ ଓ ୫୨ତମ ଏବଂ ସୁନେଲିତା ୪୩ତମ ଓ ୫୭ତମ ମିନିଟ୍ରେ ଗୋଲ୍ ସ୍କୋର୍ କରିଥିଲେ । ଏହାଛଡ଼ା ପ୍ରଥମ ମିନିଟ୍ରେ ବୈଷ୍ଣବୀ ବିଠଲ୍ ଫାଲ୍କେ, ତୃତୀୟ ମିନିଟ୍ରେ ଦୀପିକା, ଦ୍ୱାଦଶ ମିନିଟ୍ରେ ରୁତୁଜା ଦାଦାସୋ ପିସାଲ୍, ଊନବିଂଶତମ ମିନିଟ୍ରେ ନୀଲମ, ୩୩ତମ ମିନିଟ୍ରେ ମଞ୍ଜୁ ଚୋରସିୟା, ୪୬ତମ ମିନିଟ୍ରେ ଦୀପିକା ସୋରେଙ୍ଗ ଓ ୫୫ତମ ମିନିଟ୍ରେ ମମତାଜ୍ ଖାନ୍ ଗୋଲ୍ ଦେଇଥିଲେ ।
