ନୂଆଦିଲ୍ଲୀ : ଚଳିତବର୍ଷର ଦ୍ୱିତୀୟ ତୈମାସିକ (ଜୁଲାଇ-ସେପ୍ଟେମ୍ବର)ରେ ଭାରତୀୟ ଷ୍ଟେଟ୍ ବ୍ୟାଙ୍କ୍ (ଏସ୍ବିଆଇ) ୧୩,୨୬୫ କୋଟି ଟଙ୍କା ଲାଭ କରିଥିବା ଜଣାପଡିଛି । ଏହା ୨୦୨୧-୨୨ ଆର୍ôଥକବର୍ଷର ଦ୍ୱିତୀୟ ତ୍ରୈମାସିକ ତୁଳନାରେ ୭୪ ପ୍ରତିଶତ ଅଧିକ ବୋଲି କୁହାଯାଇଛି । ଚଳିତ ତ୍ରୈମାସିକରେ ଏସ୍ବିଆଇ ମୋଟ ୮୮,୭୩୪ କୋଟି ଟଙ୍କାର ରାଜସ୍ୱ ଆଦାୟ କରିଛି । ଏସ୍ବିଆଇ ଗତବର୍ଷ ଏହି ସମୟରେ ୭୬୨୭ କୋଟି ଟଙ୍କା ଲାଭ କରିଥିଲା । ଇତିମଧ୍ୟରେ ଏସ୍ବିଆଇର ନେଟ୍ ଇଣ୍ଟ୍ରେଷ୍ଟ ଇନ୍କମ୍ ୧୩ ପ୍ରତିଶତ ବୃଦ୍ଧି ପାଇଥିବାବେଳେ ବ୍ୟାଡ୍ ଲୋନ୍ (ପରିଶୋଧ ହୋଇନଥିବା ଋଣ) ପରିମାଣରେ ୧.୫୨ରୁ ୦.୮୦ ପ୍ରତିଶତକୁ ହ୍ରାସ ପାଇଛି ।