ଯାଜପୁର : ମୁମ୍ବାଇର ସମୁଦ୍ର ଗର୍ଭରୁ ୨୨ ଘଣ୍ଟା ପରେ ଉଦ୍ଧାର ହୋଇଛନ୍ତି ଯାଜପୁର ଜିଲ୍ଲା ବରୀ ବ୍ଲକ ଶଙ୍କରା କୁଳ ଗ୍ରାମର ଜଣେ ଯୁବକl ଏହି ଯୁବକ ଜଣକ ମୃତ୍ୟୁ ମୁଖରୁ ଫେରିଆସି ଗତ ୨୩ ତାରିଖରେ ନିଜ ଗ୍ରାମରେ ପହଂଚିଛନ୍ତି l ଏବେ ସେ ସୁସ୍ଥ ଅଛନ୍ତି l ସଙ୍ଗରୋଧରେ ରହିଥିବା ବେଳେ ବରୀ ବିଧାୟିକା ସୁନନ୍ଦା ଦାସ ଆଜି ତାଙ୍କୁ ଭେଟି ଶୁଭେଚ୍ଛା ଜଣାଇବା ସହିତ ତାଙ୍କ ସାହାସିକତାକୁ ପ୍ରଶଂସା କରିଛନ୍ତି l ଯାହାକୁ ରଖିବେ ଅନନ୍ତ କି କରି ପାରେ ବଳବନ୍ତ ବୋଲି ପ୍ରମାଣିତ ହୋଇଛି l
ଶଙ୍କରାକୁଳ ଗ୍ରାମର ଶ୍ରୀକାନ୍ତ କର ମୁମ୍ବାଇର ଠିକାଦାର ପାଖରେ କାମ କରନ୍ତି, ଗତ ୧୭ ତାରିଖରେ ସମୁଦ୍ର ଭିତରେ ଓଏନଜିସିର କାମ ପାଇଁ ଯାହାଜ ଯୋଗେ ସେଠାକୁ ଯାଇଥିଲେ l ଫେରିଲା ବେଳେ ଜାହାଜଟି କୌଣସି ଏକ ସ୍ଥାନରେ ବାଡେଇ ହୋଇଯାଇଥିଲା l ଯାହାଫଳରେ ଲିକ କରି ଜାହାଜ ଭିତରେ ପାଣି ପଶିଗଲା l କିଛି ସମୟ ପରେ ଜାହାଜଟି ବୁଡିବାକୁ ଆରମ୍ଭ କରିଥିଲା l ଖବର ପାଇ ନେଭାଲ ଉଦ୍ଧାର କରି ଟିମ ଅଠର ତାରିଖରେ କିଛି ଲୋକଙ୍କୁ ଉଦ୍ଧାର କରିଥିଲେ l
୭ ଜଣ ଉଦ୍ଧାର ହୋଇ ପାରିନଥିଲେ l ପରେ ୫ ଜଣଙ୍କୁ ଉଦ୍ଧାର କରାଯାଇଥିଲା l ୨ ଜଣ ରହି ଯାଇଥିଲେ, ଏହି ୨ ଜଣଙ୍କ ଭିତରୁ ଜଣେ ନିଖୋଜ ହୋଇ ଯାଇଥିଲାବେଳେ ବରୀ ଶଙ୍କରାକୁଳ ଗ୍ରାମର ଶ୍ରୀକାନ୍ତକୁ ଗତ ୧୮ ତାରିଖରେ ଦୀର୍ଘ ୨୨ଘଣ୍ଟା ପରେ ଉଦ୍ଧାର କରାଯାଇ ଥିଲାବୋଲି ଶ୍ରୀକାନ୍ତ କହିଛନ୍ତି । ସମୁଦ୍ର ଭିତରେ ମୃତ୍ୟୁ ସାଙ୍ଗରେ କିପରି ଲଢେଇ କରି ଜୀବନ ଫେରି ପାଇଛି ସେ ଅନୁଭୂତିକୁ କହିଲା ବେଳେ ଆଖିରୁ ଧାର ଧାର ବୋଇ ପଡୁଥିବା ଦେଖିବାକୁ ମିଳିଛି । ଶ୍ରୀକାନ୍ତଙ୍କୁ ପାଇ ପରିବାରରେ ଆନନ୍ଦର ଲହରୀ ଖେଳିଯାଇଛି ।
