ଛାତ୍ରୀର ମୁତ ଦେହ ଉଦ୍ଧାର

ଯାଜପୁର : ଭୁବନେଶ୍ୱର ରମାଦେବୀ ମହିଳା ବିଶ୍ଵବିଦ୍ୟାଳୟର +୩ ଦ୍ଵିତୀୟ ବର୍ଷ ଫିଲୋସଫି ସମ୍ମାନର ଛାତ୍ରୀ ତଥା ମୟୁରଭଞ୍ଜ ଜିଲ୍ଲା ଯଶିପୁର ଅଞ୍ଚଳର ଝିଅ ଝରାଫୁଲ ନାଏକଙ୍କ ମୃତ ଶରୀର ଯାଜପୁର ଜିଲ୍ଲା କୁଆଖିଆ ଥାନା ଅନ୍ତର୍ଗତ ରାଜେନ୍ଦ୍ରପୁର ପଞ୍ଚାୟତର ରାସ୍ତା କଡ଼ରୁ ବୁଧବାର ଉଦ୍ଧାର କରିଛି ପୋଲିସ୍ । ଗତ ୨୪ ତାରିଖରେ ସେ ଘରୁ ଭୁବନେଶ୍ୱର ଆସି ପୁଣି ଘରକୁ ଫେରିବା ପାଇଁ ଏକ ବସରେ ଚଢ଼ିବା ପରେ ସେ ପୁଣି ବାଣୀବିହାର ଛକ ନିକଟରେ ଓହ୍ଲାଇ ପଡ଼ିଥିଲେ । ସେବେଠାରୁ ତାଙ୍କର ସଠିକ୍ ଅବସ୍ଥିତି ନେଇ ପରିବାର ଲୋକଙ୍କ ନିକଟରେ ସଂଶୟ ପ୍ରକାଶ ପାଇଥିଲା ବେଳେ ବୁଧବାର ସକାଳେ ଦୁଇ ଜଣ ଯୁବକ ଏକ ନାଲି ରଙ୍ଗର ସ୍କୁଟିରେ ତାଙ୍କ ମର ଶରୀରକୁ ଆଣି ଏଠାରେ ଫିଙ୍ଗି ଦେଇ ଚାଲି ଯାଇଥିବା ଏକ ସିସିଟିଭି ଫୁଟେଜର ଚିତ୍ରରୁ ଜଣାପଡିବା ପରେ ଆଲୋଡନ ସୃଷ୍ଟି କରିଛି । ଏସବୁ ପ୍ରମାଣ ଅନୁସାରେ ତାଙ୍କୁ କୌଣସି ମତେ ହତ୍ୟା କରାଯାଇ ମୃତଦେହକୁ ଏଠାରେ ଫିଙ୍ଗି ଦିଆଯାଇଥିବା ସନ୍ଦେହ କରାଯାଉଥିବା ବେଳେ ହସ୍ତଗତ ପ୍ରମାଣ ଆଧାରରେ ପୋଲିସ୍ ଖୁବ୍ ଶୀଘ୍ର ଅଭିଯୁକ୍ତମାନଙ୍କ ନିକଟରେ ପହଞ୍ଚିଯିବା ନେଇ ଆଶା କରାଯାଉଛି ।