କୋଭିଡ କଟକଣାରେ ଜାଗର ଯାତ୍ରା

ଭୁବନେଶ୍ବର: କୋଭିଡ କଟକଣାରେ ହେବ ମହାପ୍ରଭୁ ଲିଙ୍ଗରାଜଙ୍କ ଜାଗର ଯାତ୍ରା । ୬୦ ବର୍ଷରୁ ଉର୍ଦ୍ଧ ଓ ୧୦ ବର୍ଷରୁ କମ୍ ଶ୍ରଦ୍ଧାଳୁଙ୍କୁ ମନ୍ଦିର ଦର୍ଶନ ମନା କରାଯାଇଛି । ବିଡିଏ କାର୍ଯ୍ୟାଳୟରେ ପ୍ରସ୍ତୁତି ବୈଠକ ପରେ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ସୂଚନା ପ୍ରଦାନ କରିଛନ୍ତି । ଗର୍ଭ ଗୃହକୁ ପ୍ରବେଶ ମନା ଥିବା ବେଳେ ଆଡକାଠରେ ରହି ଠାକୁରଙ୍କ ଦର୍ଶନ ହେବ । ସଂପୂର୍ଣ୍ଣ ବ୍ୟାରିକେଡ ଭିତରେ ନିୟମ ଅନୁଯାୟୀ ଦର୍ଶନ ହେବ । ଶ୍ରଦ୍ଧାଳୁଙ୍କ ପାଇଁ ଛାଇ ଓ ପିଇବା ପାଣି ବ୍ୟବସ୍ଥା କରାଯିବ । ବର୍ତମାନ କରୋନା ମହାମାରୀର ପରିବର୍ତିତ ରୂପ ସମସ୍ତଙ୍କ ମନରେ ଭୟ ଜାଗ୍ରତ କରିଛି । ଯେଉଁଥିପାଇଁ ରାଜ୍ୟ ସରକାର ଏବେଠୁ ସତର୍କ ହୋଇଛନ୍ତି ।