ହାତୀ ଦାନ୍ତ ଜବତ, ଯୁବକ ଗିରଫ

ଘଟଗାଁ : କେନ୍ଦୁଝର ଜିଲ୍ଲା ଘଟଗାଁ ଥାନା ତଥା ଘଟଗାଁ ଫରେଷ୍ଟ ସେକସନ ଅନ୍ତର୍ଗତ ୨୦ ନମ୍ବର ଜାତିୟ ରାଜପଥ ମେଲାଣ ନିକଟରେ ଆଜି ଦୁଇଟି ହାତୀଦନ୍ତ ସହିତ ଜଣେ ଯୁବକ ଧରାପଡିଛି । ତେବେ ଯୁବକ ଜଣଙ୍କ ହେଉଛି ମୟୁରଭଞ୍ଜ ଜିଲ୍ଲା କେନ୍ଦୁମୁଣ୍ଡି ଥାନା ଅନ୍ତର୍ଗତ ଦୁଃଶାସନ ମାଙ୍କଡିଆଙ୍କ ପୁଅ ବିଳାସ ମାଙ୍କଡିଆ ( ୩୫) । ମିଳିଥିବା ଖବର ଅନୁଯାୟୀ, କେନ୍ଦୁଝର ବନବିଭାଗ କୌଣସି ପ୍ରକାରେ ଖବର ପାଇ ତାକୁ ମେଲାଣ ଜଙ୍ଗଲ ନିକଟରେ ଧରିଥିଲେ । ତା’ ପାଖରୁ ଦୁଇଟି ହାତୀଦାନ୍ତ ଯାହାର ଓଜନ ପାଖାପାଖି ୧୧ କେଜି ହେବ । ଏହି ଘଟଣା ଆଜି ସନ୍ଧ୍ୟା ୫ ଟା ବେଳେ ଘଟିଯାଇଛି । ଉକ୍ତ ବ୍ୟକ୍ତିକୁ ଘଟଗାଁ ବନ ବିଭାଗ କାର୍ଯାଳୟକୁ ଅଣାଯାଇ ଫରେଷ୍ଟ ଆକ୍ଟ ଅନୁସାରେ ଦଫା ଲଗାଇ ଗିରଫ କରାଯାଇଛି ।