କୋଲକାତା : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ, ପ୍ରଧାନମନ୍ତ୍ରୀ କ’ଣ ଭଗବାନ ନା ସୁପରମ୍ୟାନ, ଯିଏ ବିଧାନସଭା ନିର୍ବାଚନରେ ବିଜେପି ଜିତ୍ର ଭବିଶ୍ୟତ ବାଣୀ କରୁଛନ୍ତି । ହୁଗୁଳୀ ଜିଲ୍ଲାରେ ନିର୍ବାଚନୀ ରାଲିକୁ ସମ୍ବୋଧିତ କରି ତୃଣମୁଳ କଂଗ୍ରେସ ଅଧ୍ୟକ୍ଷ ମମତା ବାନାର୍ଜୀ ଇଣ୍ଡିଆନ ସେକ୍ୟୁଲାର ଫ୍ରଣ୍ଟ ଓ ଏହାର ସଂସ୍ଥାପିତ ଆବ୍ୱାସ ସିଦ୍ଦିକିଙ୍କ ନାମ ନନେଇ କହିଥିଲେ ଯେ, ବିଜେପି ଅଲ୍ପସଂଖ୍ୟକ ମାନଙ୍କୁ ଭୋଟ ଦେବା ପାଇଁ ଟଙ୍କା ଦେଉଛି ।
ସୂଚନାଯୋଗ୍ୟ ଯେ, ଗତ ଶନିବାର ଦିନ ଏକ ନିର୍ବାଚନୀ ସଭାରେ ପ୍ରଧାନମନ୍ତ୍ରୀ କହିଥଲେ ଯେ, ସେ ପଶ୍ଚିମବଙ୍ଗରେ ବିଜେପି ଜିତିବା ପରେ ସେ ଶପଥ ଗ୍ରହଣ ଉତ୍ସବରେ ସାମିଲ ହେବେ ଓ ପଶ୍ଚିମବଙ୍ଗରେ ଯଥାଶିଘ୍ର ପ୍ରଧାନମନ୍ତ୍ରୀ କୃଷକ ନିଧି ଯୋଜନା ଲାଗୁ କରାଇବେ । ପ୍ରଧାନମନ୍ତ୍ରୀଙ୍କ ଏହି ବୟାନର ଉତ୍ତର ଦେଇ ମମତା ବାନାର୍ଜୀ ତାଙ୍କୁ , ‘ସେ କ’ଣ ଭଗବାନ ନା ସୁପରମ୍ୟାନ’ ବୋଲି ପ୍ରଶ୍ନ କରିଛନ୍ତି ।
