୨୦ ଟି ବିଶ୍ୱ ପ୍ରସିଦ୍ଧ ବ୍ୟଞ୍ଜନ ତାଲିକାରେ ସ୍ଥାନ ପାଇଲା ଭାରତର ‘ବଟର ଚିକେନ’

ବ୍ୟୁରୋ : ନିକଟରେ କ୍ରୋସିଆ ଫୁଡ ଗାଇଡ ଟେଷ୍ଟ ଆଟଲାସ ବିଶ୍ୱ ପ୍ରସିଦ୍ଧ ୨୦ ଟି ବ୍ୟଞ୍ଜନ ତାଲିକା ପ୍ରକାଶ କରିଛି । ଯେଉଁଥିରେ ଆଶ୍ଚର୍ଯ୍ୟଜନକ ଭାବେ ଭାରତର ବଟର ଚିକେନ ସ୍ଥାନ ପାଇଛି । ୧୯୪୦ ପରେ ଏହି ବ୍ୟଞ୍ଜନର ଉତ୍ପତ୍ତି ବୋଲି ଏହି ତାଲିକାରେ କୁହାଯାଇଛି । ଏହି ବିଶ୍ୱ ପ୍ରସିଦ୍ଧ ଖାଦ୍ୟ ତାଲିକାରେ ଭାରତର ଏକ ମାତ୍ର ବ୍ୟଞ୍ଜନ ‘ବଟର ଚିକେନ’ ସ୍ଥାନ ପାଇଛି । ତେବେ ଚିକେନ ଟିକା ମସଲା ବ୍ରିଟିସଙ୍କର କୁହାଯାଇଥିବା ବେଳେ ମେକ୍ସିକାନଙ୍କର ନାକୋ ସ୍ଥାନ ପାଇଛି । ‘ବଟର ଚିକେନ’ ଭାରତର ଖାଦ୍ୟ ତାଲିକାରେ ବହୁ ପ୍ରଚଳିତ । ଭାରତର ଗାଁ ଠୁ ସହର ଢ଼ାବା ହେଉ ବା ବଡ଼ ରେଷ୍ଟୁରାଣ୍ଟ ସବୁଠି ଲୋକପ୍ରିୟ ଖାଦ୍ୟ ‘ବଟର ଚିକେନ’ । ତେବେ ଏହାକୁ ଏବେ ଟେଷ୍ଟ ଆଟଲାସରେ ଏକ ନୂଆ ପ୍ରତିଷ୍ଠିତ ଭାରତୀୟ ବ୍ୟଞ୍ଜନ ଭାବେ ନିଆଯାଇଛି । ବିଶ୍ୱର ବିଭିନ୍ନ ସ୍ଥାନରେ ନାମ କରିଥିବା ୨୦ ଟି ଖାଦ୍ୟ (ବ୍ୟଞ୍ଜନ)ତାଲିକାରେ ଭାରତର ‘ବଟର ଚକେନ’ କୁ ସ୍ଥାନିତ କରିଛି ‘ଟେଷ୍ଟ ଆଟଲାସ୍‌’ । ଏହାଛଡା ମେକ୍ସିକାନ ସ୍ନାକ୍ସ ନାକୋସ ଏବଂ ଇଟାଲିୟନ ପାସ୍ତା କାର୍ବୋନରା ମଧ୍ୟ ତାଲିକାରେ ରହିବା ସହ ଏହାର ଉତ୍ପତ୍ତି ୧୯୪୦ ପରର ବୋଲି ଦର୍ଶାଯାଇଛି । ସେହିପରି ବ୍ରିଟିଶ- ଭାରତର ମିଶ୍ରଣରେ ସୃଷ୍ଟି ଚିକେନ ଟିକା ମସଲା ୧୯୭୦ ପରର ଉତ୍ପତ୍ତି ବୋଲି ଦର୍ଶାଯାଇଛି । ସୂଚନା ଅନୁଯାୟୀ ୧୯୫୦ ମସିହା ସମୟରେ ଏହା ଦିଲ୍ଲୀକୁ ଆସିଥିବା କୁହାଯାଇଛି । କୁନ୍ଦନଲାଲ ଗୁଜରାଲ ନାମକ ଜଣେ ବଡ଼ କୁକ୍‌ ଏହାକୁ ପ୍ରଥମେ ଦିଲ୍ଲୀରେ ଆରମ୍ଭ କରିଥିଲେ ବୋଲି କୁହାଯାଇଛି । ପରେ ଦିଲ୍ଲୀର ମୋତି ମହଲ ନାମକ ରେଷ୍ଟୁରାଣ୍ଟ ବଟର ଚିକେନ କୁ ପ୍ରତିଷ୍ଠିତ କରିଥିଲା ବୋଲି କୁହାଯାଇଛି । ଅନ୍ୟ ଖାଦ୍ୟ ମଧ୍ୟରେ ରହିଛି ସପସ୍କା ସାଲାଟ-୧୯୫୫, ହାଓ୍ଵାଇଆନ ପିଜା-୧୯୬୨ ଇତ୍ୟାଦି ।