ଭୁବନେଶ୍ୱର : ଭାରତୀୟ ହକି ଦଳ ଭୁବନେଶ୍ୱରରେ ପହଞ୍ଚିଛି। ବିଜୁ ପଟ୍ଟନାୟକ ଏୟାପୋର୍ଟରେ ଖେଳାଳିମାନଙ୍କୁ ଭବ୍ୟ ସ୍ୱାଗତ କରାଯାଇଛି। ସନ୍ଧ୍ୟା ସୁଦ୍ଧା ଭାରତୀୟ ହକି ଟିମ୍ ରାଉରକେଲାରେ ପହଞ୍ଚିବାର କାର୍ଯ୍ୟକ୍ରମ ରହିଛି । ସମୟ ଯେତିକି ପାଖେଇ ଆସୁଛି, ଭୁବନେଶ୍ୱର ଓ ରାଉରକେଲାରେ ହକି ବିଶ୍ୱକପ୍କୁ ନେଇ ଉତ୍ସାହ ବଢ଼ିବାରେ ଲାଗିଛି । ଗତ ରବିବାର ଦିନ ହକି ବିଶ୍ୱକପ୍ ଟ୍ରଫି ସାରା ଦେଶ ଭ୍ରମଣ କରିବା ପରେ ଭୁବନେଶ୍ୱର ବାହୁଡ଼ି ଆସିଥିଲା । ଭୁବନେଶ୍ୱର ବିମାନବନ୍ଦରରେ ଭବ୍ୟ ସ୍ୱାଗତ ପରେ ଟ୍ରଫି ରାଜଧାନୀର ବିଭିନ୍ନ ସ୍ଥାନ ଭ୍ରମଣ କରିଥିଲା । ବିର୍ସା ମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମରେ ସୋମବାର ଘରୋଇ ଭାରତୀୟ ଜୁନିୟର ଦଳ ଓ କୋରିଆ ଦଳ ମଧ୍ୟରେ ଦ୍ୱିତୀୟ ମ୍ୟାଚ୍ ଖେଳାଯାଇଥିଲା । ଏହି ମ୍ୟାଚ୍ରେ ଭାରତ ୧୧ଟି ଗୋଲ୍ ସ୍କୋର କରିଥିଲା । ଶେଷରେ ଦଳ ୧୧-୨ ଗୋଲରେ ଭ୍ରମଣକାରୀ କୋରିଆକୁ ପରାଜିତ କରିବା ସହ ଚଳିତ ଟେଷ୍ଟ ସିରିଜରେ ୨-୦ରେ ଅଗ୍ରଣୀ ହାସଲ କରିଛି ।
