ଏକ୍ସରେ ବଢ଼ୁଛି ଯୋଗୀଙ୍କ ଲୋକପ୍ରିୟତା

ନୂଆଦିଲ୍ଲୀ : ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଲୋକପ୍ରିୟତା ବଢ଼ୁଛି। ସୋ‌ସିଆଲ ମିଡିଆ ସାଇଟ୍‌ ଏକ୍ସ ଦ୍ବାରା ଜାରି ହୋଇଥିବା ସଦ୍ୟ ତଥ୍ୟ ଅନୁଯାୟୀ ମାତ୍ର ମାସକ ମଧ୍ୟରେ ଏକ୍ସରେ ଯୋଗୀଙ୍କ ଅନୁଗାମୀ ସଂଖ୍ୟା ୨. ୬୭ ଲକ୍ଷରୁ ଅଧିକ ବଢ଼ିଛି। ଏକ୍ସରେ ଏବେ ଯୋଗୀଙ୍କ ଅନୁଗାମୀଙ୍କ ସଂଖ୍ୟା ପାଖାପାଖି ୨୬ ନିୟୁତ। ଗତ ୩୦ ଦିନ ମଧ୍ୟରେ ଅଧିକାଂଶ ଲୋକଙ୍କ ଦ୍ବାରା ଫଲୋ କରାଯାଇଥିବା ବ୍ୟକ୍ତି, ଅନୁଷ୍ଠାନ ଏବଂ ସଂସ୍ଥାର ତାଲିକା ଏକ୍ସ ଜାରି କରିଛି। ତାଲିକାରେ ଏହା ଦର୍ଶାଯାଇଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅନୁଗାମୀଙ୍କ ସଂଖ୍ୟା ଗତମାସରେ ୬.୩୨ ଲକ୍ଷ ବଢ଼ିଛି। ଅନ୍ୟପକ୍ଷେ ମୋଦୀଙ୍କ ପରେ ଯୋଗୀଙ୍କ ଅନୁଗାମୀଙ୍କ ସଂଖ୍ୟା ସବୁଠାରୁ ଅଧିକ ରହିଛି। ଗତ ୩୦ ଦିନ ମଧ୍ୟରେ ଏକ୍ସରେ ଯୋଗୀଙ୍କ ଅନୁଗାମୀଙ୍କ ସଂଖ୍ୟା ୨,୬୭,୪୧୯ ବଢ଼ିଛି। କଂଗ୍ରେସ ନେତା ରାହୁଲ ଗାନ୍ଧି ଏହି ତାଲିକାରେ ତୃତୀୟ ସ୍ଥାନରେ ରହିଛନ୍ତି।