ଭୁବନେଶ୍ବର: ଆସାମର ମୁଣ୍ଡପିଛା ଋଣ ଓଡ଼ିଶାର ମୁଣ୍ଡପିଛା ଋଣର ଦୁଇଗୁଣ । ଏଣୁ ଓଡ଼ିଶା ପ୍ରସଙ୍ଗରେ କହିବା ଆଗରୁ ନିଜ ରାଜ୍ଯକଥା ଭାବନ୍ତୁ ବୋଲି ଆସାମ ମୁଖ୍ଯମନ୍ତ୍ରୀ ହିମନ୍ତ ବିଶ୍ବଶର୍ମାଙ୍କୁ ପରାମର୍ଶ ଦେଇଛନ୍ତି ଓଡ଼ିଶାର ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ।
ଓଡ଼ିଶାରେ ବିଜେପି କେନ୍ଦ୍ରୀୟ ନେତାଙ୍କ ପ୍ରଚାରକୁ ଶାଣିତ ସମାଲୋଚନା କରି ବିଜେଡି ସୁପ୍ରିମୋ ନବୀନ ପଟ୍ଟନାୟକ କହିଛନ୍ତି, ବିଜେପି ଶାସିତ ରାଜ୍ଯର ମୁଖ୍ଯମନ୍ତ୍ରୀ ଓ କେନ୍ଦ୍ରମନ୍ତ୍ରୀ ଓଡ଼ିଶା ଆସି ପ୍ରଚାର କରୁଛନ୍ତି । ସେମାନେ କହୁଛନ୍ତି ଓଡ଼ିଶାକୁ ନମ୍ବର ୱାନ କରିବୁ । ଯେଉଁ ରାଜ୍ଯକୁ ଯାଉଛନ୍ତି ସେହି ରାଜ୍ଯକୁ ନମ୍ବର ୱାନ କରିବାକୁ ପ୍ରତିଶୃତି ଦେଉଛନ୍ତି । ଯାହାକି ହାସ୍ଯାସ୍ପଦ ।
