ଫସଲ ନଷ୍ଟ କରୁଛନ୍ତି ହାତୀ ପଲ,ଗାଁ ଲୋକେ ଭୟଭୀତ

ସୁନ୍ଦରଗଡ଼ : ସୁନ୍ଦରଗଡ଼ ଜିଲ୍ଲାରେ ହାତୀ ଆତଙ୍କ । ଫସଲ ନଷ୍ଟ କରିବାରେ ଲାଗିଛନ୍ତି ୨୫ ଟିକିଆ ହାତୀ ପଲ । ସୁନ୍ଦରଗଡ଼ ଜିଲ୍ଲାରେ କୁତ୍ରା ବ୍ଲକ ଅନ୍ତର୍ଗତ  ବିରତୋଲା ଗ୍ରାମ ଏବଂ ଆଖପାଖ ଅଞ୍ଚଳରେ ଥିବା ଚାଷ ଜମିରେ ପଶି ଧାନ ଗଛ ଖାଇ  ନଷ୍ଟ କରୁଛନ୍ତି ହାତୀ ପଲ । ଏହି ୨୫ ଟିକିଆ ହାତୀପଲ ଗୋଟିଏ ଗ୍ରାମରୁ ଅନ୍ୟ ଗ୍ରାମକୁ ଘୁରି ବୁଲୁଥିବାରୁ ଗାଁ ଲୋକେ ଆତଙ୍କିତ ଅବସ୍ଥାରେ ଅଛନ୍ତି । ଫସଲ ନଷ୍ଟ କରିବା ସହ ବାସଗୃହ ନଷ୍ଟ କରିବାକୁ ନେଇ ଭୟଭୀତ ଅଛନ୍ତି ଗ୍ରାମବାସୀ । ଚାଷ ହେଉଛି ସେମାନଙ୍କ ଜୀବିକା । ଏହି ହାତୀ ପଲ ଚାଷଜମିରେ ପଶି ଧାନ ନଷ୍ଟକରୁଥିବାରୁ ଗ୍ରାମବାସୀଙ୍କ ଜୀବିକା ଅର୍ଜନରେ ବାଧାପ୍ରାପ୍ତ  ହେଉଛି ବୋଲି ସେମାନେ କହୁଛନ୍ତି । ଏନେଇ ଚାଷୀମାନେ କିପରି ପରିବାର ପୋଷିବେ ବୋଲି ଚିନ୍ତାରେ ଅଛନ୍ତି । ଯଥାଶୀଘ୍ର ହାତୀପାଲଙ୍କୁ ଘଉଡ଼ାଇବା ପାଇଁ ଗ୍ରାମବାସୀ ଦାବି କରୁଛନ୍ତି ।