ଭୁବନେଶ୍ୱର :ଥଣ୍ଡା ସମୟରେ ହେଉ ଅଥବା ଖାଲି ଦିନ ଅନେକ ସମୟରେ ବହୁ ଲୋକଙ୍କ ଓଠ ଶୁଷ୍କ ହୋଇଥାଏ । କିଛି ଲୋକଙ୍କ ସ୍କିନ ଟୋନ ଏପରି ହୋଇଥାଏକି ସବୁ ବେଳେ ଡ୍ରାଏ ରହିଥାଏ । କିଛି ସମୟରେ ଓଠରେ ଏକ କଳା ରଙ୍ଗର ଆସ୍ତରଣ ରହିବା ଭଳି ମଧ୍ୟ ଅନୁଭବ ହୋଇଥାଏ। ଆପଣ ଯଦି ଏହି ସମସ୍ୟା ପାଇଁ ଚିନ୍ତିତ ତେବେ ଆପଣାନ୍ତୁ ଏଭଳି କିଛି ଉପାୟ ଯାହା ଦୂର କରିବା ସହ ଓଠକୁ ଗୋଲାପି ରଙ୍ଗର ମଧ୍ୟ କରିଥାଏ ।
- ଅଧ ଚାମଚ କଫି ଗୁଣ୍ଡରେ ଅଳ୍ପ କିଛି ସର ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏହି ପେଷ୍ଟକୁ ଓଠରେ ଲଗାଇ ୨ ରୁ ୩ ମିନିଟ ରଖନ୍ତୁ। ଏହାପରେ ହାତ ଆଙ୍ଗୁଠି ଟିପରେ ଧିରେ ଧିରେ ଏହାକୁ କାଢି ଦିଅନ୍ତୁ।
- ଏହାପରେ ମୁହଁ ଓ ଓଠକୁ ସାଧାରଣ ପାଣିରେ ଧୋଇ ଦିଅନ୍ତୁ। ପରେ ଓଠରେ ଆପଣ ନିୟମିତ ବ୍ୟବହାର କରୁଥିବା ଲିପବାମ୍ ଲଗାନ୍ତୁ। ଏଭଳି କରିବା ଦ୍ୱାରା ୫ ରୁ ୭ ମିନିଟ ମଧ୍ୟରେ ଶୁଷ୍କପଣ ଦୂର ସହ ଓଠର ରଙ୍ଗକୁ ଗୋଲାପି କରିଥାଏ।ସପ୍ତାହକୁ ୩ ରୁ ୪ଥର ଏହି ଉପାୟ କରନ୍ତୁ।
- ମହୁ ଓ ଲେମ୍ବୁ କୁ ମିଶାଇ ସପ୍ତାହକୁ ଥରେ କିମ୍ବା ଦୁଇ ଥର ଓଠରେ ମସାଜ କରନ୍ତୁ ଏପରି କରିବା ଦ୍ଵାରା ଓଠ ମୁଲାୟମ ହୋଇଥାଏ ।
- ଆପଣ ଚାହିଁଲେ ଗିଲସେରିନ ବି ବ୍ୟବହାର କରିପାରିବେ ଯାହା ଓଠ କୁ ଫାଟିବାକୁ ଦିଏନାହିଁ ।
