ଉତ୍ତରପ୍ରଦେଶ ରାଜ୍ୟସଭା ଆସନରୁ ଇସ୍ତଫା ଦେଲେ ହରଦୀପ୍‌ ପୁରୀ

ନୂଆଦିଲ୍ଲୀ: କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ଶନିବାର ଉତ୍ତରପ୍ରଦେଶରୁ ରାଜ୍ୟସଭାକୁ ପ୍ରତିନିଧିତ୍ବ କରୁଥିବା ଆସନରୁ ଇସ୍ତଫା ଦେଇଛନ୍ତି। ବରିଷ୍ଠ ସଦନ ସଦସ୍ୟ ଭାବେ ମଧ୍ୟପ୍ରଦେଶରୁ ନିର୍ବିରୋଧ ଭାବେ ନିର୍ବାଚନରେ ବିଜୟ ହେବାର କିଛି ଦିନ ପରେ ପୁରୀ ଏହି ଇସ୍ତଫା ଦେଇଛନ୍ତି।ରାଜ୍ୟସଭାର ମହାସଚିବ ପିସି ମୋଦୀ ଜାରି କରିଥିବା ଏକ ବିଜ୍ଞପ୍ତି ଅନୁଯାୟୀ, ରାଜ୍ୟସଭା ଅଧ୍ୟକ୍ଷ ସିପି ରାଧାକ୍ରିଷ୍ଣନ ନଭେମ୍ବର ୧୪ ତାରିଖରୁ ତାଙ୍କ ଇସ୍ତଫାପତ୍ର ଗ୍ରହଣ କରିଛନ୍ତି । ଉତ୍ତର ପ୍ରଦେଶରୁ ରାଜ୍ୟସଭା ସଦସ୍ୟ ଭାବେ ପୁରୀଙ୍କ କାର୍ଯ୍ୟକାଳ ନଭେମ୍ବର ୨୫ରେ ଶେଷ ହେଉଥିଲା । ତେବେ ନଭେମ୍ବର ୫ ତାରିଖରେ ସେ ମଧ୍ୟପ୍ରଦେଶରୁ ନିର୍ବାଚିତ ହୋଇଥିଲେ, ଯାହା ଫଳରେ ତାଙ୍କର ନୂଆ କାର୍ଯ୍ୟକାଳ ୨୦୩୦ ମସିହା ଏପ୍ରିଲ ୨ ତାରିଖ ପର୍ଯ୍ୟନ୍ତ ଜାରି ରହିବ। ପୂର୍ବତନ କେନ୍ଦ୍ରମନ୍ତ୍ରୀ ଏଲ୍‌ ମୁରୁଗନ୍‌ ଖାଲି କରିଥିବା ଆସନରୁ ପୁରୀ ନିର୍ବାଚିତ ହୋଇଥିଲେ। ତାମିଲନାଡ଼ୁରେ ଦଳୀୟ ସଙ୍ଗଠନକୁ ସୁଦୃଢ଼ କରିବାକୁ ମୁରୁଗନ୍‌ ଏହି ଆସନରୁ ଇସ୍ତଫା ଦେଇଥିଲେ ।