ତୃତୀୟ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ

ବାଲେଶ୍ୱର : ତୃତୀୟ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ । ଏପରି ଏକ ଲଜ୍ଜାଜନକ ଘଟଣା ଗତକାଲି ବାଲେଶ୍ୱର ଜିଲ୍ଲା ନୀଳଗିରି ଥାନା ଅଞ୍ଚଳରେ ଘଟିଛି। ପୀଡ଼ିତା ନାବାଳିକାଜଣକ ତୃତୀୟ ଶ୍ରେଣୀ ଛାତ୍ରୀ ହୋଇଥିବା ବେଳେ ଅଭିଯୁକ୍ତ ନାବାଳକଙ୍କ ବୟସ ୧୭ ବର୍ଷ ହେବ ବୋଲି ଜଣାଯାଇଛି। ଏହି ଘଟଣାରେ ପୁଲିସ୍‌ ସମ୍ପୃକ୍ତ ନାବାଳକଙ୍କୁ ଅଟକ ରଖି ପଚରାଉଚରା କରୁଛି। ସୂଚନା ଅନୁଯାୟୀ, ଗତକାଲି ନାବାଳିକାଜଣକ ଏକୁଟିଆ ନିଜ ଘରୁ ସ୍କୁଲ ଅଭିମୁଖେ ଯାଉଥିଲେ। ବାଟରେ ନିଛାଟିଆ ରାସ୍ତାରେ ସେ ଯାଉଥିବା ବେଳେ ନାବାଳକଜଣକ ତାଙ୍କୁ ପ୍ରବର୍ତ୍ତାଇ ନିଛାଟିଆ ସ୍ଥାନକୁ ନେଇ ଯାଇଥିଲେ। ଏହାପରେ ଜୋରଜବରଦସ୍ତ ତାଙ୍କ ସହ ଦୁଷ୍କର୍ମ କରିଥିଲେ।ନାବାଳିକାଜଣକ କାନ୍ଦି କାନ୍ଦି ଘରକୁ ଫେରି ସବୁ କଥା କହିଥିଲେ। ଏହାଶୁଣି ପରିବାର ଲୋକେ ତୁରନ୍ତ ନିଳଗିରି ଥାନାରେ ଅଭିଯୋଗ କରିଥିଲେ। ପୁଲିସ୍‌ ଘଟଣାର ତଦନ୍ତ ଆରମ୍ଭ କରି ନାବାଳିକାଙ୍କୁ ଡାକ୍ତରୀ ମାଇନା ପାଇଁ ପଠାଇବା ସହ ନାବଳକଙ୍କୁ ଥାନାରେ ଅଟକ ରଖିଛି।