ନୂଆଦିଲ୍ଲୀ: ରବିବାର ଦିନ ଡିସେମ୍ବର ମାସର ଜିଏସଟି ଆଦାୟର ରିପୋର୍ଟ ଆସିଛି । ଲଗାତର ଭାବେ ୧୦ମାସ ଧରି ଜିଏସଟି ଆଦାୟ ୧.୪ ଲକ୍ଷ କୋଟି ଟଙ୍କାରୁ ଅଧିକ ରହିଛି । ୨୦୨୧ ଡିସେମ୍ବର ମାସରେ ମଧ୍ୟ ୧,୪୯,୫୦୭ କୋଟି ଟଙ୍କା ଜିଏସଟି ଆଦାୟ କରାଯାଇ ରେକର୍ଡ କରିଥିଲା । ଏହି କ୍ରମରେ ଯଦି ଦେଖିବା ତେବେ ଜିଏସଟି ବାବଦରେ ସରକାର ଭଲ କଲେକସନ କରୁଛନ୍ତି ।
୨୦୨୦ ଡିସେମ୍ବର ମାସରେ ଜିଏସଟି କଲେକସନ ୧,୪୯,୫୦୭ କୋଟି ଟଙ୍କା ରହିଛି । ଏହା ମଧ୍ୟରେ ସିଜିଏସଟି ବାବଦରେ ୨୬,୭୧୧ କୋଟି, ଏସଜିଏସଟି ବାବଦରେ ୩୩,୩୫୭ କୋଟି ଓ ଆଇଜିଏସଟି ବାବଦରେ ୭୮,୪୩୪ କୋଟି ଟଙ୍କା ରହିଛି । ଏହା ପରେ ସେସ୍ ବାବଦରେ ୧୧,୦୦୫ କୋଟି ଟଙ୍କା ଆଦାୟ ହୋଇଛି । ସେପଟେ ୨୦୨୧ ତୁଳନାରେ ୨୦୨୨ ମସିହାରେ ଜିଏସଟି ବାବଦକୁ ଅଧିକ ୧୫ ପ୍ରତିଶତ କର ଆଦାୟ କରାଯାଇଛି ।
